Nga kōrero a Reweti Kohere Mā
I Takahia Nga Ture o te Putupōro
I Takahia Nga Ture o te Putupōro
Ka mutu rā te whawhai a Te Tairāwhiti ki te Taitokerau mo te kapu a te Piriniha o Weiri, ka huihui nga taha e rua ki te Awapuni, wāhi o Tūranga, i te tono mai a Reiri Kara arā a Heni Materoa. Ka poto nga manaaki a te tangata whenua i Taitokerau, ka tū mai tētahi o nga kaumātua o te manuhiri. I āna kupu, ka kī ia na te Atua i āwhina te Taitokerau i kaha ai. Ka tau tērā ki raro, kei runga ko te rewhari o te purei, ko Tame Parata o Ngāti Awa, ka kī na ia;
'E hoa, e te Taitokerau, me i mōhio au ko te Atua tētahi o koutou kua tangi taku whio no te mea, e mea ana nga ture o te putupōro kia page 98
15 anō nga tāngata o tētahi taha, o tētahi, inā i a au ka rongo atu 16 kē i te tīma o te Taitokerau, ko te Atua te tekau mā ono. E takahi ana tēnei i te ture o te putupōro.'
Rangiata
East Cape