Nga kōrero a Reweti Kohere Mā

Poroporoaki ki a Heni Materoa (Lady Carrol)

Ko te tino kaupapa nui o tēnei reta i tuhia ai kia kite mai a Rongowhakaata[163] arā te rohe katoa o te Tairāwhiti. Ina te pātai; He aha tōku hara i kore ai he whakaatu o te kuini nei o Heni Materoa[164] ki a au, ki a Tūhoe? He kore pānga pea nōku ki tēnei wāhine rangatira? Ma te whakapapa e whakaatu tōku tatanga.

No reira, haere e kui, te mana o nga tīpuna, te puhi o Mataatua anake. Ka taupoki te waka ki raro. E ka taupoki rā hoki. Ka mate mate anō ko nga rangatira. Kaore he rangatira i te ora, kia kore atu.

Haere tōku rangatira. Nāu i kiia ai te Iwi Maori he Maori, anō. Na to mana rangatira, na to kupu 'taihoa[165] ' i taki mai te Iwi Maori ki ēnei rā ora ai. He mihi noa atu ki a koe, e whae. He mea kite noaiho i roto i nga nūpepa Pākehā tēnei koe kua hinga mai i te rā ka rewa mai i te pae. Kua tae koe ki a Timi Kara, ki tōu Ariki hoki. Kei kona katoa a nunui mā, a roroa mā, a wehiwehi mā. Haere!

Na konei rā, e Kui, haere, haere, haere !

Na Te Ihi Paerata

Ruatoki page 127

He whakamārama: Ko te roanga ake o te poroporoaki a Te Ihi Parata kei Te Toa Takitini nama 111, Tihema 1930. Whārangi 2202.—Nga Etita

[163]Rongowhakaata: Ko tētahi o nga iwi rongonui o Tūranganui. Ko te iwi tēnei nōna te awa a Kōpututea.

[164]Heni Materoa: Hoa wāhine o Sir James Carroll. Ko Paratene Turangi tōna tipuna na Te Kooti Rikirangi i kōhuru i te tau 1868. He wāhine whai rawa a Heni ēngari i tōna ngākau mahaki kaore e mōhiotia he pēnei.

[165]Taihoa: Ko te kupu tēnei i mōhio whānuitia tana hoa rangatira a Tā Hemi Kara.

▼ About this page

Other formats

Connect

▼ Browse collection

Nga kōrero a Reweti Kohere Mā

Poroporoaki ki a Heni Materoa (Lady Carrol)

Poroporoaki ki a Heni Materoa (Lady Carrol)