1855 2 August.Bay of Islands District.Na ko tenei pukapuka tuku whenua i tuhia i tenei ra i te rua o nga ra o Akuhata i te tau o to tatou Ariki kotahi mano e waru rau e rima takau ma rima (1855) he pukapuka tino whakaae pono na matou na nga Rangatira me nga tangata o te hapu o te Urikapana nga tino putake o te oneone kia tukua kia hokono rawatia tehahi wahi o to matou Pukehuia. whenua kia Wikitoria ki te Kuini o Ingarani hei whenua oti atu mona mo nga pakeha ake tonu atu ko te ingoa nui o taua whenua ko Pukehuia ko te Waitapu kei te taha ki te moana o Pewhairangi e takoto ana. Nga kaha o te whenua ka timata te kaha ki te Boundaries. marangai kie te Awahapa ka haere. Waimangaro ka haere whakauta ki Pukerewarewa (he mea make haere i runga o te kahiwi) ka ahu whakararo ka haere Mangakirikiri ka haere Puketarahanga ka haere Pukehuia ka whawati ka haere Taumataokorora ka haere Piruru ka haere Ngarua ka marere ki Kaipatiki ko te kaha ia ki te taha ki te hauraro ka mutu i konei. Na ko nga whenua kua tukua i mua ki nga pakeha me kape marire page 40e matou ki waho o tenei hokonga whenua. A no te mea kua tukua atu tenei pihi whenua mo te Kuini o Ingaraui ara mo te Kawanatanga mo nga Pakeha no reira i Lands formerly sold to Europeans excluded. homai ai nga pauna moni ma matou Kotahi rau pauna moni (£100) hei utu mo taua whenua no naianei i riro mai ai kia matou na te Kepa (H. T. Kemp) i homai ki o matou ringaringa na tetahi o nga Kai hoko kai whakarite whenua o te Kawanatanga o Nui Tireni. Heoi kua whakaae pu matou ki tenei whenua kia tukua rawatia atu mo te Kuini o Ingarani mo ona uri i muri iho i a ia a ake tonu atu. A ko te tohu o to Receipt for £100. matou whakaaetanga o te rironga mai hoki o nga moni koia tenei ka oti nei o matou ingoa me o matou tohu te whakapiri ki tenei pukapuka tuku whenua. No naianei i riro mai ai enei moni kotahi rau na Te Henare Kepa i homai.