Omawake and Wiroa Block, Bay of Islands District.
1856. 26 February.Bay of Islands DistrictNa ko tenei pukapuka tuku whenua i tuhia i tenei ra i te 26
o nga ra o Pepuere i te tau o to tatou Ariki tahi mano waru rau rima tekau ma
ono (1856) he pukapuka whakaae pono na matou na nga rangatira me nga putake o
te oneone kia tukua tetahi wahi o to matou oneone kia Wikitoria te Kuini o
Ingarangi ara ki te Kawanatanga hei Omawake. whenua oti atu mo nga pakeha ake tonu atu ko te "Wiroa" ko
"Omawake."
Nga kaha o te whenua.
Ko nga kaha koia enei. Ka timata i te kaha tawhito o nga pakeha i te wai o te
Boundaries. "Whiringatau" i te "Wairere o Taraunuhia ka haere i te taha o te
hauraro i te tino awa o Puketotara rere tonu a tae noa ki te whakamatenga o te
Wai o "Rakau" i te taha ki te Hauauru mei reira ka rere tonu a tae noa ki te
kaha whakamutunga mai o te wahi i tukua kia te Karaka (Clarke) otira ko te
"Kiripaka" tae atu ki te wai o "Mangakaretu" ka tae ki konei ka whawhati ka
ahu ki te tonga i te taha tonu o te wahi i hokona e te Karaka a tae noa ki nga
kohatu nunui te ingoa o aua kohatu nunui ko Nga "Karere a Kupe" ka haere tonu
tae noa ki te Repo i te whakamatenga o te wai o te "Awahe" ka whawhati i reira
ka ahu iho ki te marangai ka rere tika tonu i runga o te Niho ka poka i runga
i te taha ki te koraha o te ngahere o Karekahu a puta atu i te Rere i runga
ake i te wahi tapu o Toko ma i te Ropu Kauri i runga ake i te whakawhititanga
o te ara kata o Waipapa ka tae ki te tino whitinga ka ahu whakararo ka, haere
i te kaha a Ngapuhi mo te wahi tapu o te "Wiroa" he mea tohu haere ki te Burial ground and lands formerly sold to Europeans excluded. kohatu a puta noa. Ko te wahi tapu ka oti te kape ki waho ka haere a
pa noa ki te kaha timatanga i te wai o Taraunuhia a i te kaha ranei o te
whenua i tukua kia te Hapa. Ko nga whenua i tukua ki nga pakeha i mua ka oti
te kape ki waho o tenei hokonga whenua.
A no te mea kua tino whakaae pu matou kia tino tukua tenei pihi whenua ki te
Kuini o Ingarangi kua tukua mai e ia kia matou e wha rau pauna moni (£400) na
te. Receipt for £400. Henare Kepa i homai ki o matou ringaringa na tetahi.o nga kai
whakarite whenua o te Kawanatanga o Nui Tireni A ko te tohu o to matou
whakaaetanga o te rironga mai hoki o nga moni koia tenei ka oti nei o matou
ingoa me o matou tohu te whakapiri ki tenei pukapuka i tenei ra i te 26 o nga
ra o Pepuere 1856.
Ko Mohi Tawhai x.
Ko Wi Hau x.
Te Kapuamangu x.
Ko
Makoare.
Ko Wi te Mara x.
Ko te Rata Hongi.
Ko Pero.
Ko
te Wiremu Kauea.
Ko Eruera Paru.
Ko Tamihana Paru.
Ko Kingi
Wiremu Tareha.
Ko Te Pakira x.
Ko te Koki x.
Ko Huirua
x.
Ko Meka x.
Ko Wi Kaitara x.
Hamiora Hau.
Pareene
tamaiti a Makoare.
H. T. Kemp,
Dist. Commissioner, Bay of Islands.
page 44
Kai Titiro—
William Davis, Merchant, Waimate.
Edwd. Williams, Farmer,
Waimate.
Charles Hargraves, Merchant, Waimate.
I meatia ki te Waimate, Peiwhairangi Nui Tireni
i te 26 o nga ra o
Pepuere 1856.