Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Land Purchases in the North Island of New Zealand: Volume One

Orua Block, Mercury Bay, Coromandel District

Orua Block, Mercury Bay, Coromandel District.

Tenei Pukapuka i tuhituhia i tenei rua tekau ma toru o nga ra o Hune i te tau o to 1858. 23 June.Coromandel District. tatou Ariki 1858 he Pukapuka tino hoko tino hoatu tino tuku whakaoti atu na matou na nga Rangatira me nga Tangata o Ngatipaoa no ratou nga ingoa e mau i raro nei a hei whakaatu tenei Pukapuka mo matou mo o matou whanaunga me o matou uri mo te Orua. tuhituhinga o o matou ingoa ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu ki a Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni E toru rau kua utua mai ki a matou e Te Makarini (Donald McLean) mo te Kuini (a e whakaaetia nei e matou te rironga mai o aua moni) ko taua wahi whenua katoa kei Whitianga ko Orua te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hold o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu ki a Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o Te Makarini Kaiwhakarite Whenua Ko nga rohe enei o taua whenua ka timata i te awa o Hahei i te taha o Boundaries. te moana ka haere tonu i te tahataha o te awa o Taiwawa haere [gap — reason: damage]onu a te ngut[gap — reason: deletion]awa o Te Hoho ka ahu whakauta i roto i taua awa a whakamau rawa atu ki te [gap — reason: deletion]i ki ki Purewa ka koki ka haere a Te Tuara o Marumaruaitu tika tonu a te tuara o Paka ka koki ano a poupou tonu atu ki te awa o Hahei ka tutaki nga rohe.

Hopa x Totohi Hokianga.
Maka x Hare.
Tikaokao x.
Donald McLean.
Wiremu x Terape.
Paengahuka x.

Ko nga tangata i kite i te hoatutanga o nga moni me te tuhinga o nga ingoa—

George Friend, Accountant, L.P. Dept.
Wm. B. Baker, Chief Clk., L.P. Dept.

Kua riro mai ki a matou i tenei ra i te rua tekau ma toru o nga ra o Hune i te tauReceipt for £300. o to Tatou Ariki Kotahi mano e waru rau e rima tekau ma waru (1858) nga Pauna moni E toru rau takitahi (£300 . 0 . 0) Ko te utu tuatahi tenei kua whakahuatia ki te Pukapuka tuku e mau i runga ake nei kia utua mai ki a matou e Te Makarini mo te Kuini.

Hopa x Totohi.
Maka x Hare.
Tikaokao x.

Nga Kai titiro—

George Friend, Accountant, L.P. Dept.
William B. Baker, Chief Clerk, N.L.P. Dept.