Maori précis. He Pukapuka Riihi tenei hei whakaatu i te hokonga rawatanga atu e Maihi Te Hinaki e Hera Puna e Ngakapa Whanaunga e Wiremu Ngawhare Te Hinaki hoki e noho nei i Whitianga i te wahanga o tatahi piihi whenua i Whitianga ko Kaimarama te ingoa i waru mano e toru rau nga eka i roto i taua whenua katoa ko te nui o te wahi e hokona ana e rua mano e rima tekau ka hokona taua wahi ki tetahi kapani ko te Mercury Bay Saw Mill Company te ingoa ko te utu kua oti nei te whakarite mo tenei whenua e wha rau pauna a e tino whakaae ana nga kai tuku o te whenua nei i te rironga mai i a ratou o tenei moni katoa a ka tukua rawatia atu e ratou tenei whenua me nga mea katoa i runga me nga mea katoa e whai tikanga ana o reira ki nga tangata o taua kapane ki o ratou riwhi ki a ratou e whakarite ai mo ake tonu atu a e whakaaturia ana i roto i tenei Piihi ko Tiepa Puna tetahi o te hunga mona tenei whenua imua engari kua mate taua wahine a kua whakaturia e te kooti whakawa whenua Maori ko Ngakapa Whanaunga hei riwhi mona e tino whakaae ano hoki nga kai tuku o tenei whenua a te putanga mai o te Karauna Karaati ka tiakina paitia e ratou taua mea a ki te tono mai nga tangata o taua kapani kia kite ratou i taua karauna karaati me homai taua mea kia kitea e ratou i nga takiwa katoa e hiahia ai ratou kia kite ki te tono ranei ratou kia tuhituhia e ratou he tauira o taua karaati ka whakaaetia tonutia taua tono engari ma nga tangata o taua kapani e whakaea nga moni katoa e tawana i runga i tenei whakakitenga i tenei tuhituhinga ranei o te Karauna karaati.