1855. 5 January. Kua riro mai ki a matou i tenei ra, i te rima o nga ra o Hanuere i te tau o to tatou Ariki Kotahi mano e waru rau e rima tekau ma rima (1855) nga pauna moni Kotahi mano e rima rau takitahi (£1500) na te Makarini i homai ki a matou. Ko te utunga tuaruaReceipt for £1,500.me te utunga tuatoru tenei i whakaaetia kia homai ki a matou mo to matou whenua i tukua ki a Wikitoria te Kuini o Ingarangi i tera tau ara i te 22 o nga ra o Hune 1853 kua oti hoki nga rohe te tuhituhi, me te ahua o te whenua hoki, ki tua o tenei pukapuka. Heoi, ko te utunga whakamutunga tenei ki a matou mo taua wahi kua tino tukua rawatia e matou ki a Wikitoria te Kuini o Ingarangi ki nga Kingi Kuini ranei o muri iho i a ia, a ake tonu atu. Nokonei hoki, no te rironga mai o enei moni ki a matou ka tuhituhia nei o matou ingoa me o matou tohu ki Mataikona i te ra kua oti te tuhituhi i runga.