Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Land Purchases in the North Island of New Zealand: Volume Two

Otumaunga Block, Wairarapa District

Otumaunga Block, Wairarapa District.

1863. 22 January.Wairarapa District.Tenei Pukapuka i tuhituhia i tenei Twenty second o nga ra o January i te tau o to tatou Ariki 1863. he pukapuka tino hoko tino hoatu tino tuku whakaoti atu na matou na ngaOtumaunga. rangatira me nga tangata o——no ratou nga ingoa e mau i raro nei a hei whakaatu tenei pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu ki a Wikitoria Kuiui o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni Forty (£40) kua utua mai ki a matou e Te Petatone (Isaac Earl Featherston) mo te Kuini (a e whakaaetia nei e matou te rironga mai o aua moni) ko taua wahi whenua katoa kei Wairarapa Otumaunga te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou page 373paanga katoatanga ki taua wahi; Kia mau tonu ki a Kuini Wikitoria ki ona uri ki ana ranei e whakarite ai hei tino mau tonu ake tonu atu.

A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu.

A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o Te Petetone (Isaac Earl Featherston) Kaiwhakarite Whenua. Ko nga rohe enei o taua whenua kei te tahaBoundaries. whaka——ko te awa o Whakawhiriwhiri ko Wainuiomata. Kei te taha whaka——ko te Raina o te whenua Maori ka timata taua raina ki Tauranga Koau rere tonu ki Ruamahanga, ki te Whetu Katoa—kei te taha whaka——ko Ruamahanga—kei te tana whaka ——ko Ruamahanga ki te ngutuawa o Te Whakawhiriwhiri.

I. E. Featherston.
Na te Petetone.
Ko Kingi Nga Tuere x his mark.
Na Te Manihera.
Ka W. Ho. Tutere.
Na Ihaka x his mark.

Ko nga tangata i kite i te hoatutanga o nga moni me te tuhinga o nga ingoa—
Samuel Deighton, Interpreter.

Receipt for £40. Kua riro mai ki a matou i tenei ra i te Twenty second nga ra o January i te tau o to Tatou Ariki Kotahi mano e waru rau e ono tekau ma——(1863) nga Pauna moni Forty (£40) Ko te utu tenei kua whakahuatia ki te Pukapuka tuku e mau i runga ake nei kia utua mai ki a matou e Te Petetone (Isaac Earl Featherston) mo te Kuini.

Na Te Manihera.
Na W. H. Tutere.
Na Ihaka x his mark.
Ko Kingi Ngatuere x his mark.

Nga Kai titiro—
Samuel Deighton, Interpreter.