Enclosure 1.

Tena koe. Tenei taku kupu ki a koe. No muri i a korua ko Parore ka tangohia e te Uriohau nga rau pauna e wha (£400) mo te wahi whenua ki waenganui o te awa o Tauraroa o te Manganui, huri noa ki te marangai ki te rohe o ta te Manihera hokonga ki Ruarangi, me tetahi wahi iti ki uta atu o Tokatoka, puta noa ki te Manganui heoi nga wahi i utua e te Uriohau.

I tohe au ki a ratou kia tukua mai te wahi e tautohea nei kei roto ki to hokonga o Maungakaramea kihai ratou i pai; otira, mau e whakarite tera wahi, no te mea kei a koe auo nga tikanga mo reira, kei hoki te raruraru ki runga i nga Pakeha ana nohoia taua whenua a mua ake nei.

Kei a korua ko Te Honiana tetahi mahinga ma korua i nga whenua rarurarukore i tenei raumati, kia mahia paitia nga oneone kia wawe nga raruraru te pahure ake i a tatou; kia whiti he maramatanga ki tena pito o to tatou motu, ki te pito i timata ai te noho a te Pakeha; a e mau nei ano te tohe o Ngapuhi kia hoki ano Te Pakeha ki tona puna i putake mai ai.