(Supplementary Deed.)
Putataka Block (Part of), adjoining
Maraetai, Waikato District.
Kia mohio nga tangata katoa e kite i tenei pukapuka, ko matou
ka tuhituhia nei nga 1839. 30 August.Waikato Heads.Putataka. ingoa ki tenei pukapuka, nga rangatira o Ngatikarewa raua ko Ngatitahinga,
etahi o nga iwi o Waikato e noho ana ki te ripa ki te hauauru o te motu o
Nuitireni, ka tuku, ka hoko, ka hoatu i te kainga, i nga mara, te nehenehe, i
tetahi wahi o Putataka e Church of England Mission. takoto ana i te puaha o te awa o Waikato, ki a te Manihera (ko tona ingoa
Pakeha ko Rev. R. Maunsell) raua ko te Ahiwera (B. Ashwell) hei kainga, hei
oneone, oti tonu atu mo te Komiti o nga Mihinare o te Hahi o Ingarangi, mo te
tangata ranei e korero ai taua Komiti; a ka ho atu hoki e matou te oneone, nga
rakau, nga wai, me nga aha noa iho, i runga i raro o taua kainga, hei utu mo nga
mea ka tuhituhia nei, kua riro mai hoki i a matou. A, e mea ana ano matou, ko
matou anake nga tangata e tika ana kia hoko atu i tau kainga, i taua wahi o
Putataka e takoto ana i roto i enei rohe ka tuhituhia nei. A, e mea ana ano matou,
Kahore ano tetahi wahi o te oneone ka tuhituhia nei, i hokona imua: kauaka hoki
tetahi tangata, a muri atu nei, e wakahe i tenei utunga a te Manihera raua ko te
Ahiwera, i meatia i tenei ra i te toru tekau o Akata (August) i tenei tau o to
tatou Ariki 1839.
Ko nga rohe enei o taua kainga, o taua wahi o Putataka, koia enei: ka timata i te
Boundaries. Awa i Waikato i te pukepuke i waho atu o te kainga i Putataka, ka rere i
waenganui o te awaawa i raro iho o taua kainga, ka piki, kei te taumata o runga
ake o taua kainga ra ano, na ka haere tonu i runga, i te huarahi i nga poka, ka
piki tonu na te pari a kei te Pa ka tutaki atu ki te rohe tawito.
A ko nga mea i riro mai i a matou hei utu mo taua kainga mo taua wahi o Putataka
Receipt. e takoto ana i roto i enei rohe koia enei: 12 paraikete, 12 titaha, 16
arihi, 10 tarautete, 10 hate, 3 £, 3 kota, 3 purupuru, 20 matau, 6 lb. hopi, 8
puka, 50 lbs. tupeka, 2 heu, 4 maripi.
Tirohia o matou ingoa tohu ranei i tuhituhia i tenei ra te toru tekau o Akata i
tenei tau o to tatou Ariki 1839.
Ko te tohu o te x Hamu.
Ko te tohu o te x Iwitahi.
Ko
Ngawaka.
Ko te Kapoti.
Ko te tohu o x Pahuru.
" Ngakete.
" x Taihoa.
" x Te Heruika.
Waraki.
Ko te tohu o x
Rauwhero.
Puroa.
Ko te tohu o x te Kemo.
Ko te tohu o x
Tuturu.
Ko te tohu o x Ngarau.
Ko te tohu o x Kimura.
Ko nga kai titiro—
Taratikitiki.
Ngarepo.
Rev. R. Maunsell.
B. Ashwell.