Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Old Private Land Purchases in New Zealand, From the Year 1815 to 1840, with Pre-Emptive and Other Claims

(Enclosure No. 5.)

(Enclosure No. 5.)

1834. 22 September.Ahikaiaia.Wakarongo ra e nga tangata katoa ki tenei pukapuka kua oti nei te tuhituhi e matou e Tuwakawa, e Tiro, e Tupanapana ma ki tetahi taha, e te Karaka ki tetahi taha; kua oti tenei pukapuka te tuhituhi i te ra rua tekau ma rua o te marama i huaina ko Hepetema, i te tau o to tatou Ariki a Ihu Karaiti 1834. Kua tuhituhia tenei pukapuka e matou e Tuwakawa ma i tetahi taha, e te Karaka i tetahi taha hei tino tohu ki a tatou katoa ki nga tangata katoa ano hoki kua oti nei te tuku e ratou e Tuwakawa ma ki a te Karaka ki nga tamariki a te Karaka ki a ratou wakapaparanga katoa ake tonu atu tetahi wahi wenua nei e rau nga Akara, e nui ake ranei, e nohi[gap — reason: illegible]iho ranei. Ko te ingoa o te kainga Ahikaiaia, ko te ingoa nui te Waimate. Ko [gap — reason: damage]e kaha o taua wenua ko Boundaries. [100 acres.] tetahi taha te ara nui e ahu ana ki te Ahuahu: ko tetahi taha ki te kaha kua oti te tuku ki a te Hemera, ko te ingoa Ahikaiaia a tae noa ki te repo ki tera taha o te wahi tapu: ko tetahi taha ki te kaha o to te Hemera kua oti e te Huarahi te tuku ki a ia, ko te ingoa o taua kaha ko Tawahuhua: ko tetahi taha te repo nui o te Church Missionary Society i huaina ko Puture. Kua oti te kainga nei te tuku e Tuwakawa ma ki a te Karaka ki nga tamariki o te Karaka, te wenua me nga mea katoa e tupu ana ki taua wenua E hoatu nei e te Karaka nga mea nei hei utu ki a Tawakawa ma mo te wenua Receipt. kua oti nei te tuku, e ono tekau nga Tara, kotahi tekau ma rima kohua, kotahi tekau ma rua kaheru, e ono kapu, kotahi tekau titaha, toru tekau pauna tupeka, toru tekau paipa e ono nga parakete. Na, kia tino pono ia te pukapuka nei kua oti o tatou ingoa te tuhituhi e tatou ano me nga ingoa o te kai titiro.

Ko te tohu o Areka Tiro x.
Ko te tohu o Tuwakawa x.
Ko te tohu o Warerahi x.

Ko te ingoa o te kai titiro—
(Signed) Richd. Davis.
James Hamlin.
Hore Ware.
Ngawau.

A True Copy.

M. Richmond.