Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Old Private Land Purchases in New Zealand, From the Year 1815 to 1840, with Pre-Emptive and Other Claims

Tihari Block, Waimate, Bay of Islands District

Tihari Block, Waimate, Bay of Islands District.

1834. 29 Aaugust.Bay of Island District. Wakarongo ra e nga tangata katoa ki tenei pukapuka kua oti nei te tuhituhi e matou e te Kuki ma ki tetahi taha, e te Kepa ki tetah taha, kua oti tenei pukapuka te tuhituhi Tihari. i te ra rua tekau ma iwa o te marama i huaina. August, i te tau o to tatou Ariki a Ihu James Kemp. Karaiti, kotahi mano e waru rau e toru tekau ma wa kua tuhituhia tenei pukapuka e matou e te Kuki ma i tetahi taha, e te Kepa i tetahi taha hei tino tohu ki a tatou katoa, ki nga Tangata katoa ano hoki, kua oti nei te tuku e ratou e te Kuki ma ki a te Kepa ki nga tamariki a te Kepa ki a ratou wakapaparanga katoa ake tonu atu tetahi wahi wenua nei e rima tekau nga ekara, e nui ake ranei e nohinohi iho ranei: ko te ingoa o te Boundaries. [50 acres.] Kainga ko Tihari, ko te ingoa nui ko te Waimate; ko te kaha o taua wenua kua oti te wakataki ko Tawahuhua tetahi taha, ko tetahi taha ko Waipanga, ko tetahi taha ko Poroki, ko tetahi taha ko Paparimurimu, a tae noa ki te Awa o Waitangi, kua oti te kainga nei te tuku e te Kuki ma ki a te Kepa ki nga Tamariki o te Kepa, te wenua me Receipt. nga mea katoa e tupu ana ki taua wenua e ho atu nei e te Kepa nga mea nei hei utu ki a te Kuki ma mo te wenua kua oti nei te tuku: Kotahi tekau Tara, E rima Paraeketi, E rima Karonei, e toru Toki, e toru Kohua, e wa pauna Tupeka, kotahi Puka, kotahi Arihi, e wa Purupuru. Na, kia tino pono ai te pukapuka nei kua oti o tatou ingoa te tuhituhi e tatou ano me nga ingoa o te Kai Titiro i te hokonga.

Ko te tohu x o te Kuki.
Ko te tohu x o Rewa.
Ko te tohu x o Poro.
Ko te tohu x o Tupinea.
Ko te tohu x o Tuwakawa.
James Kemp.

Ko te ingoa o te Kai Titiro—

Signed Ko Hemi Mete.
Ko Henare Tehi.

True Copy.

Henry Tacy Kemp.