1836. 22 January.Auckland District.Kia mohio nga tangata katoa e kite nei i tenei Pukapuka. Na, kua tukua, kua hokona Tamaki.rawatia e matou e Tuiri ma, he rangatira no Ngatitawaki,—e Herua ma, he rangatira no W. T. Fairburn. te Urikaraka,—e Hauauru ma, he rangatira no te Matekiwaho, ki a te Pepene, taua wahi wenua ko Tamaki, e patata ana ki Waitemata, me nga wahi katpa i roto i enei rohe, kua oti nei te tuhituhi ki tenei pukapuka. A ko te wenua, ko nga rakau, ko nga awa, ko nga mea katoa i runga i raro o taua wahi wenua katoa kua tuhituhia nei mona, mo ona Tamariki hoki, kia ngakia ranei, kia hokona ranei, kia ahatia ranei, ake, ake, Boundaries. [40,000 acres.]ake. Na, ko nga rohe o taua wahi wenua kua hokona nei e matou, koia enei; Ko te Totoanga katoa ki Otahuhu, ka haere atu i kona, a ko te Ararata, a ko te Awatiotio, a Papakura, ka haere atu i kona, a Rangiuru, a ko te Wairoa, a Wakakaiwara, a Umupuia, a ko te Poho, a ko Maraitai, a ko Motukaraka, a ko Awakarihi, a ko Mangimangiroa, a ko Tuwakamana, a ko Waipapa, a ko Okokino, a ko te Panehoroiiwi, a te awa Wangamatau, haere tonu atu ki Otahuhu mutu ai; ko te taha o taua wahi wenua ki te Marangai e takoto ana ki te moana, ki Mimirua, e haere atu ana ki Hauraki: ko te taha ki te Hauauru e takoto ana ki Manukau: ko te taha ki te Tonga e takoto ana ki te awa ki te Wairoa.

Receipt.Kua riro mai ki a matou, ki a Tuiri ma, ki a Herua ma, ki a Hauauru ma, hei utu mo taua wenua mo Tamaki, e iwa tekau Paraikete, e rua tekau ma wa Titaha, e rua tekau ma wa Kapu, e rua tekau ma ono Kaheru, kotahi tekau ma wa Puka, e waru tekau moni Tara, e iwa rau pauna Tupeka, e rua tekau ma wa Heru, kotahi tekau ma rua Kota. Tirohia nei o matou tohu kua tuhituhia nei i te ra rua tekau ma rua o Hanuere, kotahi mano e waru rau e toru tekau ma ono o nga tau. Nu Tirini.