Mangawharawhara, etc., Block, Orua, Manukau District.
1837. 19 December.Manukau District.Mangawharawhara.Kia mohio nga tangata katoa e kite ana i tenei pukapuka ko
matou ko te Awarahi ma ko Ngakainga ma nga rangatira o Ngatiteata he iwi e noho
ana ki Manukau he awa ki te ripa ki te hauauru o te Motu o Nu Tireni ka tuku ka
hoko atu i tenei ra te 19 o te Marama o Rihema (ko tona ingoa pakeha ko
December)
i tenei tau o to tatou Ariki
James Hamlin. 1837 i taua wahi wenua katoa i Mangawharawhara, i Orakanui, i Hei Keretu,
kei te takiwa o Tatangarau o Orua; te wenua nga rakau nga aha noa iho i runga i
raro o taua wahi wenua ki a Hemi Hemara (ko tona ingoa pakeha ko
James Hamlin) hei wenua mona mo ana
tamariki mo o ratou wakapaparanga ake ake ake, mo te tangata ranei e korerotia e
te Hemara kia hokona ranei kia ahatia ranei e ratou.
Boundaries. [500 acres.] Ko nga koronae o taua wahi wenua o Mangawharawhara o Orakanui o Heikaretu
e honohono tahi ana ko ia enei ko te koronae ki te ripa ki te tonga ko te
timatanga atu ko Opurangi ka haere wakauta kei Otehei, maro tonu te Pakeokauahi,
haere i runga Heikaretu ka nawe ka haere wakararo kei te rua i keria hei rohe i
Kaiatemanu kei te rua o Kaipirau kei te rua o ingoa kino o Tawa ka maro tonu a
Pukerewa ka marere ki tatahi ki te awa o Manukau. Ko te koronae ki te hauraro ko
te awa o Manukau.
Receipt. A kua tangohia e matou i nga ringaringa o te Hemara nga utu mo taua wenua
mo Mangawharawhara mo Orakanui mo Heikaretu 30 Paraikete 20 Titaha 10 Patiti 160
lbs. Tupeka 10 Hate 10 Kutikuti 10 Mikara 3 Arihi 2 Tarautete 12 lbs. Hopi. No
muri nei te utunga i hoatu ano 6 Paraikete 4 lbs. Tupeka mo Mangawharawhara me nga
Pauna moni e rua me nga Hereni kotahi tekau ma rua. Na matou ko te Kauae ma ko to
Hana ma i tango: i a Kanae nga moni.
Ko te tohu a x Ngakainga.
Ko te tohu a x te Ware.
Ko te tohu a
Taioro.
x te Kanae.
x te Hana.
Awarahi.
Tamoa.
Tani.
Te
Tawa.
Ko te Kuri.
Ko te Manu.
Ihaia Manga.
(Signed) James Hamlin.
Ko nga kai titiro—
(Sigd.) Ko te Manihera.
Ko Hone Waikare.
Ko Katuhi.
Ko Nikau.
A true Copy.
George Clarke.