Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Old Private Land Purchases in New Zealand, From the Year 1815 to 1840, with Pre-Emptive and Other Claims

Orua Block, Opposite Puponga, Manukau District

Orua Block, Opposite Puponga, Manukau District.

1838. 2 September.Manukau District.Orua.Kia mohio nga tangata katoa e kite nei i tenei pukapuka; ko matou ka oti nei o matou ingoa to tuhituhi ki tenei pukapuka nga rangatira o Ngatiteata tetahi o nga iwi o Waikato e noho ana ki Manukau ki te ripa ki te hauauru o te Motu ki raro o Niu Church of England Mission. Tireni, ka tuku ka hoko ka hoatu ia tangata i tona wahi, ia tangata i tona wahi o taua page 332kainga ko Orua te ingoa e takoto ana i roto atu o te kongutuawa o Manukau e anga atu ana ki Puponga hei utu mo nga mea kua tuhituhia i tenei pukapuka; a e pai ana matou ki ena mea hei utu mo tenei kainga e korerotia nei k[gap — reason: damage] tuku ka hoko ka hoatu ki a te Manihera raua ko te Hemara hei kainga mo te Komiti o te Hahi o Ingarangi, mo tetahi tangata ranei e pai ai ratou hei wenua hei kainga hei aha ranei hei aha ranei mo ratou i taua wahi wenua ko Orua te ingoa i nga rakau i nga wai i nga aha noa iho i nga aha noa iho i runga i raro o taua wenua. A tenei ano matou te mea nei kahore ano tenei kainga a Orua i hokona noatia e matou i mua a kaua hoki tetahi tangata e wakahe ki tenei hokonga a te Manihiera (Rev. R. Maunsell) raua ko te Hemara (Mr. J. Hamlin) ka oti nei te utu i tenei ra o to tatou Ariki i te rua o Hepitemipa (September) i te kotahi mano waru rau toru tekau ma waru o nga tau.
Boundaries. [200 acres.] A tenei ano nga rohe o taua wenua o Orua: ko te rohe ki te taha ki te marangai ko te moana ko Manukau: ko te rohe ki te hauauru ma raki ka timata i te poka i keria i runga i te pari i te taha ki te hauauru o te Hakona a te poka i runga ake o te Hakona, na ka haere i runga i te taukaka wakatetaha ki te hauauru, ka heke kei te poka i waenganui o te Ahimatira, ka heke ka witi kei te poka i keria a te Popopopo, ka haere i runga i te taukaka ka makere kei te Pupuha kei te Awa kei Orua, ka haere i roto i te awa o Orua ka eke kei te pa kei Pukehorokatoa, ka makere kei te waitai. A a mea nei ano hoki matou ko matou anake nga tangata i te kainga e takoto ana i roto i nga rohe ka oti nei te tuhituhi, a e hokona atu ana e matou tenei kainga hei kainga oti tonu atu mo te Komiti o nga Mihanere o te Hahi o Ingarangi, a heoti ano te hunga e tika ana kia wiwi ki tera kainga ko taua Komiti ra ano.
Receipt. A ko nga mea a taua Komiti Mihanere ra i riro mai i a matou hei utu mo taua kainga mo Orua koia tenei: e ono tekau nga paraikete, 12 titaha, 11 trowsers, 9 hate, 10 heu, 6 pouaka karahi, 6 scissors, 10 maripi, 10 aikiha, 10 ho, 11 kohua, 20 heru, 400 paipa, 10 arihi, 3 raka, 10 kotakota, 8 whairu, 160 lbs. tupeka, 20 lbs. hopi. Tirohia o matou ingoa tohu ranei ka oti nei te tuhituhi i Hepitemipa 2,1838.

Sd. Ko Wareoriri tona tohu x
Ko te Awarahi x tona tohu
Ko Ngakainga x tona tohu
Ihaia Manga
Hori Patene te Keno
Ko te Tawa.
Ko Taui.
Ko Ngarimu.
Ko Maekuku x tona tohu.
Ko Ngawaro x tona tohu.
Ko Ngakuti x tona tohu.

Ko nga kai titiro—

Sd. Ko Hemi Manuatiu.
Ropata Pangoaho.
Pangoaho.
Ko Rori.
Ko te Huki.
Ko Heao.

True Copy.

Thomas A. Forsaith.