Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Old Private Land Purchases in New Zealand, From the Year 1815 to 1840, with Pre-Emptive and Other Claims

Matakana Islands (Three), Mahurangi District

Matakana Islands (Three), Mahurangi District.

1845. 18 May.Mahurangi District.Matakana IslandsJ. L. Heydon. [300 acres.] Ko matou rangatira maori no te Hapu a Ngatipaoa e mau ake nei nga ingoa, e tino wakaae ana i tenei ra kia ho atu kia tukua atu kia hokoa atu ki a Hoani Rongi Heitini ki ona uri i muri iho i a ia me ona e whakarite ai, e toru nga motutere e takoto ana i te moana o Hauraki i te takiwa ki Matakana ko nga ingoa enei Ko Mautahora ko Motuketaketa ko Moturiki.

E tino wakaae ana ano hoki matou kia tukua kia hokoa katoatia ki a Hoani Rongi Heitini me ona uri me ona e pai ai nga rakau katoa o aua Motu e toru—nga wai—nga korari—nga ana—nga kohatu—nga metera (e takoto ana) o runga o raro ranei i temata o te whenua: me nga mea katoa atu hoki e tu ana e takoto ana ki runga ki aua Motu. Ekore matou e hoko atu aua Motu ki etahi atu tangata, ekore ano hoki matou e tohe kia rua nga utunga mo aua Motu, otiia ka pahure rawa nei to matou paanga ki aua Motu; a ka tukua putia atu aua Motu e toru e matou me nga mea katoa o runga ki a Hoani Rongi Heitini ki ana uri i muri iho i a ia, me ana e pai ai ki mau pu i tenei takiwa amua atu, a ake, ake, ake.

Receipt. Ko nga utu i whakaaetia e matou mo aua Motu e toru ka oti nei te hoko koia enei, Kotahi tekau ma rima pauna moni £15, e ono paraikete.

E tino whakaae ana matou ki te hokongone o enei Motu e toru me te rironga mai ki a matou hei utu mo aua Motu tekau ma rima pauna me nga paraikete e ono. E whakaae pu ana matou ki nga kupu katoa o tenei pukapuka: a no te mea e rite pu ana to matou whakaaetanga ka tuhia o matou ingoa me o matou tohu i tenei ra o Mei kotahi tekau ma waru i te tau o to tatou Ariki ko tahi mano waru rau wha tekau ma rima.

Puhata.
Ruinga Kahukoti.
Kupenga.
Taiko.
Pouroto.
Ngakete.
Ngatai.

Hunga Titiro—
Harehi Reweti, Kai Whakamaori, Akarana.
G. Owen, Merchant.

Witness

te Kahukoti Karamu.
Robert McLeod, Waiheke.

AkaranaMei 23, 1845.Additional payment. E whakaae ana matou ki te tukunga o nga Motu kua tuhituhia ki roto nei, a kua riro mai i a matou e ono nga paraikete, e toru nga pauna moni.

Na Te Hemara.
Te Waka tona x tohu.
Te Roa tona x tohu.
Te Mata tona x tohu.

Witness

Henry T. Clarke.

True Copy.

Charles Oliver Davis.