Maraeroa Block, Riverhead, Auckland District.
1844. 6 November.Auckland District.Maraeroa.Fulton and Elliot.Kia rongo e nga tangata katoa ki tenei hoatutanga, ko matou
Rangatira maorie no Okahu, i Waitemata, a Nopera, a Tautari, a Wirihana, e tino
whakae ana i tenei ra kia hoatu, kia tukua atu, kia hokoa atu, ki a Kiritopa
Puritona, ki a Hori Eriata, ki o raua uri i muri iho i a raua ki o raua e pai ai
tetahi whenua e takoto ana i te tauranga o Waitemata, ko Marairoa te ingoa: e rua
pea raano nga eka 2000.
E tino whakaae ana ano hoki matou, a Nopera, a Tautari, a Wirihana, kia hokoa atu
ki a Kiritopa Puritona ki a Hori Eriata ki o raua uri me o raua e pai ai, nga wai
katoa, nga korari, nga ana, nga rakau, me nga mea katoa e takoto ana e tu ana ki
runga ki taua whenua e huaina ko Marairoa, kia purutia kia mau tonu, mau rawarawa
a Marairoa, me nga mea katoa o runga i a Kiritopa Puritana i a Hori Eriata, i a
raua uri, me a raua e pai ai, i tena takiwa amua atu nei, a, ake, ake, ake. Ka
whakapahuretia to matou
page 461 paanga ki
Marairoa ekore matou e pokonoa ki te koko atu i taua wahi ki etahi atu tangata,
otiia ka tino tukua atu, kia oti rawaatu ki a Kiritopa Puritona ki a Hori Eriata
ki o raua uri i muri iho i a raua me a raua e pai ai i tenei ra, a ake tonu atu.
Ko nga
Receipt. utu enei kua riro mai i a matou, i a Nopera, i a Tautari, i a Wirihana, 10
nga Paraikete, 4 nga koti, 4 nga pea tarautete, 4 nga kiapa, 2 nga pihi kaone, 2
nga pouaka, 6 nga hate, 2 nga takai kahu, 2 nga pea putu, 2 nga pea tokina, 2 nga
takau, 2 nga wehikete, 1 aikiwa, £14.
Nga Kaha. Ka timata i tetahi Kauri e tu ana i Pitoitoi i pahaki atu o te tauranga
Boundaries. [2,000 acres.] o Waitemata, ka rere tonu i te totoanga waka, i te taha wakarunga, a te
awa o Kumeu; ka rere i roto i te awa o Kumeu, tae noa ki tetahi motu: ka piki, ka
tika mai i reira i runga i te mania, a marere noa ki te Ahipekapeka, ka haere i
roto i te awa o Waitemata tae noa ki Marairoa: ka haere tonu i te tahataha moana,
a, aki noa atu ki Pitoitoi.
E tino whakaae ana matou ki te tika me te pono o tenei pukapuka, no kona ka tuhia
o matou ingoa i tenei ra o Nowema te tuaono i te tau o to tatou Ariki 1844.
Noperax tona tohu.
Parenga Tare.
tautari.
Wirihana.
Manihera.
Harehi Rewiti, Kai Whakamaori, Akarana.
Hunga titiro—
J. Coney.
I certify this to be a true copy of the Original.
Thomas S. Forsaith.