Wairoa (Land at), near Howick, Auckland District.
1844. 14 December.Auckland District.Wairoa.Cleghorn and Goodfellow. Ko matou e mau ake nei nga ingoa e tino whakaae ana kia hoatu, kia hokoa
atu ki a Tamati Taikahuro, ki a Tamati Reweti Taikahuro, ki a Wiremu Taikahuro, ki
a Hoani Kurepera, ki a Hui Kurepera me Wiremu Kurepera, tetahi whenua e takoto ana
ki te taha Marangai o te awa nui o Te Wairoa, kia oti atu taua whenua ki tenei
hunga pakeha, ki o ratou uri, me nga mea katoa hoki e takoto ana ki runga ki taua
wahi: kia oti atu, oti rawa atu. Ekore matou e pokonoa ki te hoko atu, i taua wahi
ki tetahi tangata ke atu, otiia ka whakapahuretia to maatou paanga ki taua wahi,
a, ka tino tukua atu ki a Tamati Taikahuro &c. me a ratou uri, me o ratou
e pai ai, kia mau tonu i tenei takiwa, amua ake nei, a, ake, ake, ake.
Boundaries. [3,000 acres.] Nga Kaha. Kei te Tuaraki ko te kaha kei te awa "Otane"—ka rere ki te Tonga
tae noa ki "Poatakia"—ko te awa nui o Te Wairoa kei te kaha ki te Hauauru—ka
whakamarokitia te kaha ki te Marangai, ki nga rarangi Maunga i karangatia ko
"Ahurei."
Consideration. Nga Utu. 3 hoiho, 3 hea, 3 parairi, 8 tupara, 6 korokb, 6 koti, 6
tarautete, 50 paraikete; 5 kiapa, 5 kaho paura 10 pu Maori, 55 pauna moni £55.
E tino whakaae ana matou ki nga kupu o tenei pukapuka; a no te mea e tika ana, e
pono ana ki o matou whakaaro ka tuhia o matou ingoa ki raro nei i tenei ra o
Tihema 14 i te tau o to tatou Ariki 1844.
ko te Makuru.
ko te tara
x.
ko te tana x.
ko waekaha
x.
ko tanupo x.
Hunga titiro—
George Willson, Merchant, Auckland.
Thomas Henry, Storekeeper, do.
Receipt. Kua riro mai katoa nga taonga me nga moni i whakahuatia ki tenei pukapuka
i a matou.
Ko te makuru, mo matou.