Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Old Private Land Purchases in New Zealand, From the Year 1815 to 1840, with Pre-Emptive and Other Claims

Kumukumu Block, adjoining Okahuiti, Waiheke, Auckland District

Kumukumu Block, adjoining Okahuiti, Waiheke, Auckland District.

Ko matou rangatira E mau ake nei nga ingoa e tino whakaae ana i tenei ra kia ho atu, 1845. 3 November.Auckland District.Kumukumu.J. Brigham. kia tukua atu kia hokoa atu ki a Hoani Pirikama, ki ona uri i muri iho i a ia, me ana e pai ai tetahi whenua e takoto ana i te Motu o Waiheke; ko nga kaha o taua whenua ka oti te tuhi ki tenei pukapuka. E whakaae ana ano hoki matou kia hokoa katoatia nga rakau, nga kohatu, nga wai me nga mea katoa o runga o taua whenua ki a Hoani Pirikama me ona uri. Ekore matou e hoko atu taua wahi ki tetahi atu tangata. Ekore ano hoki e hokoa nga mea o runga. Ekore ano hoki e tohea tetahi atu utu, otira ka tukua taua whenua me nga mea katoa o runga ki a Hoani Pirikama, ki ona uri, me ona e pai ai, kia mau tonu i tenei takiwa, amua atu nei, a, ake, ake, ake.

Ko nga Utu mo taua kainga i riro mai i a matou i a Ngatipaoa koia enei, 1 Poti me nga ra, me era atu mea katoa, 4 Tupara, 2 Pu Maori, 4 Wai-paura, 4 pouaka Tingara, £10 moni.

Ko nga kaha o tenei kainga koia enei. Ka timata i nga rakau Pohutukawa i te Boundaries. [950 acres.] tumu o Kumukumu—ka rere i runga i te kaka—Waiharoto—a te tumu o Okahunui— ka haere mai i te one o Okahunui a tae noa ki Okahuiti—ka piki ake i reira ki te poka i keria i runga i te kaka—haere tonu tae noa ki te pou i whakaturia ki runga ki te pukepuke i te taha o te Ara—ka tika atu i reira ki roto ki te Ngahere—poka tonu atu i roto i taua ngahere, tika tonu ki tetahi Kowhai nui e tu ana i te taha o nga mahinga tawhito (he mea tapahi taua rakau)—ka rere atu i taua Rakau ki te Tumu o Te Whakarite—haere tonu mai i te taha o te moana, Kopuaparore—haere tonu mai, a, hono noa ki nga Pohutukawa ki Kumukumu i te timatanga.
Ko nga Utu enei kua riro mai i o matou ringaringa mo taua kainga: 1 Poti, te ra, Receipt. me nga hoe, 4 Tupara, 4 Paraihe, 4 nga pouaka Tingara, 2 Pu Maori, 1 Kau, 1 Kaipuke i a Ngatimaru.

E tino whakaae ana matou ki enei utu. E tino whakaae ana matou ki enei kaha— e tino whakaae ana matou ki te hokonga o tenei whenua, me nga mea katoa hoki i roto i tenei pukapuka; A no te mea hoki e rite pu ana, e rite tonu ana a matou, whakaaenga katoa ka tuhia o matou ingoa me nga Tohu ki tenei pukapuka i tenei ra o Nohema te 3 i te tau o to tatou Ariki 1845. Kia tapu—tapu rawa.

Ruinga Kahukoti.
Wiremu Hoete.
raniera.
matuiti.
Na te raihe.

Hunga titiro—

Harehi Reweti, Kai whakamaori, Akarana.

James Greenhill Gent. Auckland.
Ko Matiu Tohi his x mark.
Richard Smith, Carpenter.
Hamiora Kewa.