Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Old Private Land Purchases in New Zealand, From the Year 1815 to 1840, with Pre-Emptive and Other Claims

Riverhead (Land near), River Waitemata, Auckland District

Riverhead (Land near), River Waitemata, Auckland District.

1845. 9 November.Auckland District.Riverhead.John Brigham. Ko matou e mau ake nei nga ingoa e tino whakaae ana i tenei ra kia hoatu kia tukua atu, kia hokoa atu ki a Hoani Pirikama ki ona uri me ona e pai ai tetahi whenua me nga mea katoa o runga e takoto i te taha maui o te wai o Waitemata mo nga Pauna moni e rua tekau ma rua £22 . 0 . 0, e rua paraikete, e rua hate.

Na, ekore matou e hoko atu i tenei wahi ki tetahi atu tangata. Ekore ano hoki matou e tohe ki tetahi atu utu mo tenei wahi, otiia ka hokona nei e matou taua whenua me nga mea katoa o runga ki a Hoani Pirikama ki ona uri me ona e pai ai kia mau pu i tenei takiwa, amua atu nei, a, ake, ake, ake.

Boundaries. Ko nga Kaha o taua whenua koia enei. Ka timata i te wahapu o te Awa o Waitemata—ka rere i roto i taua awa a tae noa ki te kuinga—ka rere atu i reira a te awa o Manutewha te kaha o Henere—o Makeparena—ka rere i te kaha o aua Pakeha a tae noa ki te ritenga o te pou i whakaturia ki runga ki te kaka o Pukewhakataratara—ka rere mai i reira pa noa ki taua pou—ka rere atu i taua pou a pa noa ki nga Ti e rua i te taha o te awa o Ngongitepata—ka marere ki Ngongitepata, a ka kopiko haere i roto i taua awa a tae noa ki te awa waitai o Waitemata.
Receipt. E tino whakaae ana matou ki nga mea katoa i roto i tenei pukapuka, ki te tika o nga kaha o tenei kainga, ki te rironga mai hoki o nga utu i tuhia nei i o matou ringaringa. A no te mea hoki e rite ano o matou whakaaetanga ka tuhia o matou ingoa me nga tohu i tenei ra o Nohema te iwa i te tau o to tatou Ariki 1845.

Nopera tona x tohu.
Paiura Patu x tohu.
Na Wiremu Hoete Paramata.
Na tautari Wanganui.
Te Taniwha his x mark.

Hunga titiro—

Harehi Reweti, Kai-whakamaori, Akarana.
John Campbell, Surveyor Auckland.