Puketapu Block, Onehunga, Manukau District.

E whakaae ana ano hoki matou kia tukua atu ki a te Hakihona nga uri ona me ona e pai ai nga wai katoa, nga kohatu nga rakau me nga mea katoa e tu ana e takoto ki runga ki taua whenua a te Puketapu ka whakahuritia to matou paanga ki taua wahi ekore matou e pokanoa ki te hoko atu ki tetahi atu tangata, otiia ka tino whakaae kia tukua atu taua whenua a te Puketapu me nga mea katoa i runga ki a te Hakihona ki ona uri i muri iho i a ia me ona e pai ai i tenei takiwa amua atu nei, a ake ake ake.

A muri o tenei, kua mutu te ruri o taua kaingi Puketapu e whakaae ana matou ka tuhi tetahi hoatutanga ki a te Hakihona.

E tino whakaae ana matou ki te pono o tenei pukapuka no konei ka tuhia o matou ingoa i tenei ra o Hurai kotahi tekau ma wha i te tau o to tatou Ariki 1845.