1844. 27 December.Manukau District.Opaheke. A. Chisholm.Ko matou e mau ake nei nga ingoa e tino whakaae ana kia hokoa atu ki a Arama Kihoma, ki ona uri, me ona e pai ai, tetahi wahi whenua e takoto ana ki te kitiitanga o Manukau, ko "Opaheke" te ingoa, kia oti atu taua wahi a Opaheke, nga rakau katoa, nga wai, nga ana, nga kohatu, nga korari, me nga mea katoa o runga o taua whenua ki a Arama Kihoma, ki ona uri, me ona e pai ai. Ka whakakahoretia to matou paanga ki taua wahi, ekore matou e hoko atu taua wahi ki tetahi atu tangata: otiia ka tukua putia atu ka hokoa rawatia atu ka waiho rawa atu ki a Arama Kihoma, ki ona uri i muri i a ia, me ona e pai ai i tenei takiwa amua atu nei, a, ake, ake, ake.

Boundaries. [1,000 acres.]Nga Kaha. Ka timata i te tumu o Mongotahi i te taha moana o Manukau, ka rere tonu ki Waikowai, a Te Pukepuke ki tetahi pou i whakarahia e Ihaka ratou ko Whangaroa, ka tika tonu atu i taua pou ki te wahi i huaina ko Waharau, ka rere atu i reira i waenga mania a marere rawa atu ki Otuwairoa, ka haere i te taha moana a, Maukitua, Te Totara, a hono noa ki Mongotahi i te timatanga.

Receipt.Nga Utu. 2 hoiho, 2 parairi, 1 hea pai, 1 pouaka, 2 ho, 1 tupara, l paraikete, 1 takawe hota, 1 takotoranga paura, 22 pauna Moni 10 hereni, £22 . 10 . 0.