Wenerei, Tihema 4.
Nga tangata i tae ki te Hinota.
Te Pihopa.
Minita.
- Rev. E. B. Clarke,
- Rev. W. L. Williams,
- Rev. R. Waitoa,
- Rev. R. Kawhia,
- Rev. T. Huata.
Reimana.
- Hakaraia Mahika,
- Rewi Tereanuku,
- Eruera Te Ripi,
- Mihaera Taumanu,
- Hunia Hapai,
- Wiremu Kopa,
- Maaka Te Ihutu,
- Mohi Turei,
- Hoani Ngatai,
- Rihara Paipa,
- Kemara Te Hape,
- Rapata Wahawaha,
- Henare Potae,
- Hirini Te Kani,
- Wiremu Pere,
- Anaru Matete,
- Pitihera Kopu.
Ko nga Tuhituhinga o tera huihuinga i korerotia, i whakaaetia.
I whakaaria e Rev. W. L. Williams, i tautokona e Rev. R. Kawhia;
"Kia whiriwhiria he Komiti mo te whakaturanga o tetahi Komiti Tuuturu mo tenei Hinota, hei whakatakoto hoki i nga mahi mo taua Komiti Tuuturu.
page 8Nga tangata mo taua Komiti, ko te Pihopa, ko Rev. E. Clarke, ko Rev. R. Kawhia, ko Rev. T. Huata, ko Anaru Matete, ko Rewi Tereanuku."
Whakaaetia ana.
I whakaaria e Rev. Rota Waitoa, i tautokona e Henare Potae;
"Kia whiriwhiria he Komiti hei hurihuri i te tikanga mo nga utu marena, me nga utu mo era atu mea o te Hahi.
Nga tangata mo tana Komiti, ko Rev. W. L. Williams, ko Rev. E. Clarke, ko Henare Potae, ko Pitihera Kopu, ko Eruera Te Ripi, ko Rev. Rota Waitoa."
Whakaaetia ana.
I whakaaria e Rapata Wahawaha, i tautokona e Hoani Ngatai;
"I te mea kahore ano kia ata rite nga rohe o nga Pariha, me ki atu e tenei Hinota ki te Pihopa kia whakariteritea ano e ia nga tikanga mo te whiriwhiringa i nga Reimana mo te Hinota, kia whiriwhiria ai i tenei tau i tenei tau."
Whakaaetia ana.
I whakaaria e Rewi Tereanuku, i tautokona e Hakaraia Mahika;
"Ko te mea tika ma nga Minita ratou ko nga Reimana katoa o te Hinota e whakamahara nga tangata katoa o te Hahi i o ratou wahi kia hangaa he whare ataahua mo te karakia ki te Atua."
Whakaaetia ana.
I whakaaria e Rev. W. L. Williams, i tautokona e Rev. E. Clarke;
"Kia whakatarewatia te 13 o nga "Tikanga mo te Mahi."
Whakaaetia ana.
I whakaaria e Mohi Turei, i tautokona e Henare Potae;
"Kia whiriwhiria he Komiti hei tirotiro i te ahua o nga mahi a te Hahi hei whangai minita.
Nga tangata mo taua Komiti, ko te Pihopa, ko Pitihera Kopu, ko Hirini Te Kani, ko Henare Potae, ko Rapata Wahawaha, ko Mohi Turei."
Whakaaetia ana.
I whakaaria e te Pihopa, i tautokona e Rev. R. Waitoa;
"Ki te whakaaro o tenei Hinota ko te mea tika tenei ma tatou; ka whiwhi nei tatou ki te Rongo pai, kia puta hoki ta tatou koha ki te kawe atu i taua Rongo Pai ki nga iwi e noho ana i te pouri."
Whakaaetia ana e te katoa.
page 9I whakaaria e Rev. R. Waitoa, i tautokona e Rapata Wahawaha;
"E mea ana tenei Hinota, ko nga tangata o nga tini kaainga kia whai whakaaro ki o ratou kai whakaako, kia whakatuuturutia te Paraire hei ra mahinga ma nga tangata ki o ratou kai whakaako."
Whakaaetia ana.
I whakaaria e Wiremu Pere, i tautokona e Rihara Paipa;
"Ki te whakaaro o tenei Hinota, kia takoto he kupu ki nga kai tiaki katoa o nga whare karakia kia whakaritea etahi tangata mo roto i nga whare, hei tiaki, kia tika ai te noho o nga tangata i te wa o te karakia, kia tika ai hoki te putunga atu ki waho."
Whakaaetia ana.
I whakaaria e Rev. T. Huata, i tautokona e Hirini Te Kani;
"Kia takoto he kupu akiaki ki nga kai whakaako o nga kaainga katoa kia whaia te mahi kura i te ata ranei te ahiahi ranei."
Whakaaetia ana.
Nukukia ana te Hinota ki te Taitei, ki te 5 o nga ra o Tihema.