Te Korero
A Te Komiti I Whiriwhiria Hei Tirotiro I Nga Raruraru I Uaua Ai Te Huihui O Nga Minita Me Nga Reimana O Nga Kaainga Tawhiti Ki Te Hinota.

Kua tirohia e tenei Komiti nga raruraru i uaua ai te huihui o nga Minita me nga Hinotamana o nga kaainga tawhiti.

Ko nga mea enei i kitea i raruraru ai nga tangata i uaua ai ki te haere mai;

1.	Ko nga mahi maori, me te he o te wa o te Hinota.
2.	Ko te kuware o nga tangata ki nga mahi me nga tikanga o te Hinota.
3.	Ko te roa o te whenua hei haerenga.

page 32

Ko nga mea enei i whakaarohia e te Komiti e ngawari ai nga tangata ki te haere mai;

1.	Me mea atu ki te Pihopa kia nekehia te Hinota ki nga ra timatanga o Maehe.
2.	Ma nga Hinotamana e whakaatu ki te iwi, ina hoki ki o ratou kaainga, nga tikanga me nga mahi a te Hinota.
3.	Me tuhituhi tetahi pukapuka e te Pihopa ratou ko te Komiti Tuuturu ki ia kaainga, ki ia kaainga, hei whakamohio ki nga mahi me nga pai o te Hinota, me te wa, me te wahi ano hoki e mine ai te Hinota.
4.	Me ki atu ki te Pihopa kia kaua e whakatuuturutia te Hinota ki te wahi kotahi, engari me whakaneke he wahi ke.