Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Mahi A Te Hinota Tuarua O Te Pihopatanga O Waiapu. I Whakaminea Ki Waerengaahika, Turanga. 5 Hanuere, 1863.

[III. He Ture Hei Whakatu I Tetahi Komiti Tuuturu Mo Te Hinota O Te Pihopatanga O Waiapu.]

Kua takoto nei i roto i te Ture 5 a te HinotaTake Nui "mo te whakaritenga i nga Minita mo nga Pariha" he tikanga mo etahi o nga mahi a te Hinota Pihopatanga kia tukua ki te Komiti Tuuturu o taua Hinota i te wa e marara atu ai te Hinota Pihopatanga; tera atu ano hoki etahi mahi e pai ana kia mahia e taua Komiti Tuuturu Me whakatuuturu tenei e te Pihopa, e nga Minita, e nga Reimana o te Pihopatanga o Waiapu e mine nei ki te Hinota:—
1.Nga tangata mo te Komiti Tuuturu. Ko nga tangata mo te Komiti Tuuturu o te Hinota o te Pihopatanga o Waiapu, ko te Pihopa o Waiapu o ia wa, ko te Atirikona o Waiapu o ia wa, ko tetahi atu Minita, kia kotahi; kia tokotoru hoki nga Reimana.
2.Whiriwhiringa o nga tangata. Ko taua Minita kotahi, me nga Reimana tokotoru, me whiriwhiri i ia tau, i ia tau, e te Hinota Pihopatanga.
3.Kai-whakamine. Ko te Pihopa te Kai-whakamine mo taua Komiti; at, ki te ngaro te Pihopa, ma tona Komihari i whakaritea e ia mo taua mahi.
4.Koarama. E mana ano te mahi a taua Komiti ahakoa ka tokotoru kau nga tangata i huihui i runga i te karanga a te Kai-whakamine.
5.Komiti Tuuturu mo tenei tau. Ko nga tangata mo te Komiti Tuuturu mo tenei tau, ko te Pihopa o Waiapu, ko te Atirikona page 24o Waiapu, ko Rev. T. Te Huata, ko Anaru Matete, ko Hirini Te Kani, ko Wiremu Pere.
6.Whakawateatanga. Ki te hiahia tetahi o nga tangata o tenei Komiti kia whakawateatia tona nohoanga, me tuhituhi e ia taua whakawateatanga ki te Pihopa; a, ki te ngaro atu te Pihopa, ki te Atirikona o Waiapu; a, kia tae te pukapuka whakawatea ki te Pihopa, ki te Atirikona ranei, ka watea te nohoanga o taua tangata.
7.Whakakapinga o te wahi watea. Ki te mate tetahi Minita, tetahi Reimana ranei o te Komiti Tuuturu, ki te whakawateatia ranei e ia tona wahi, ki te mahue ranei i runga i tetahi atu tikanga, ma ona hoa o te Komiti e whiriwhiri he tangata hei whakakapi mo tona wahi, i roto i nga tangata o te Hinota.
8.Ngaronga o te Pihopa. Ki te mate te Pihopa, ki te ngaro atu ranei me whakakapi tona wahi e tona Komihari.
9.Nga mahi a te Komiti Tuuturu. Me tuhituhi nga mahi katoa a te Komiti Tuuturu ki roto ki tetahi pukapuka, a, i te mea ka mine te Hinota Pihopatanga me whakatakoto taua pukapuka ki te aroaro o te Hinota.
10.Nga mea hei mahinga ma te Komiti Tuuturu. Ko nga mahi enei e tukua ki te Komiti Tuuturu;
(1.)Ko nga mahi e whakahaua mai ana ma taua Komiti i roto i nga Ture a te Hinota Nui.
(2.)He whakaatu ki te Hinota Nui i te wa e marara atu ai te Hinota o te Pihopatanga, i nga tangata hei tiaki i nga kaainga kua tukua ki te Hahi.
(3.)He mahi i nga pukapuka tiaki o nga moni mo te whangai i nga Minita o tenei Pihopatanga.
(4.)He tirotiro mahi mo etahi whakaminenga o te Hinota.

I whakatakotoria e te Hinota, Hanuere 9, 1863.

(Whaitohu) William Waiapu,
Upoko.