1905, No. 24.
He Ture hei hanga Tikanga Pai ake hei Whakahaere i te Kainga Maori i Taumutu.

Kua Meinga Hei Ture e te Runanga Nui o Niu Tireni e noho huihui ana i roto i te Paremete, i runga ano i tona mana, ara:—

1.	Te Ingoa Poto o tenei Ture ko "Te Tore mo te Kainga Maori i Taumutu, 1905."
2.	(1.) Ko nga whenua e whakahuatia ana i roto i te Kupu Apiti ki tenei Ture (ka huaina i raro nei ko "aua whenua") kua whakataua e tenei Ture ki te Kai-tiaki mo te Katoa a me riro te mana i a ia i runga i te tikanga fee-simple hei mahinga hei painga mo nga Maori tera e whakataua e te Kooti Whenua Maori i runga i te tono a te Kai-tiaki mo te Katoa a tetahi tangata ranei e ki ana e whai take ana ia ki aua whenua. (2.) Ina whakatau te Kooti Whenua Maori i nga take me nga paanga o aua Maori, me ata whakatutuki e ia te whakaaro tuatahi i wehea ai aua whenua.
3.	(1.) Me wehe e te Kai-tiaki mo te Katoa etahi wahi o aua whenua e rite ana hei mahinga hei nohoanga ranei mo nga Maori e tika ana kia whiwhi i ona painga, hei haerenga kararehe ma ratou hei whakahaerenga ranei i etahi atu mahi a ratou. (2.) Kaore aua Maori e whai mana ki te whakawhiti ahakoa pehea i o ratou paanga ki aua whenua i wehea ra.
4.	Me ahei te Kai-tiaki mo te Katoa i ia wa ki te riihi i era wahi o aua whenua kaore e hiahiatia ana hei mahinga hei nohoanga ranei mo nga Maori, ko nga tau o aua riihi kaua e roa atu i te rua tekau ma tahi tau, a me tuku aua riihi i runga i ona huarahi me ona tikanga e whakaarohia ana e ia he mea tika.
5.	Ko nga moni reti me nga hua e puta ana i ana whenua e riihitia peratia ana me pupuri e te Kai-tiaki mo te Katoa, a me tuha page 2e ia ki nga Maori e tika ana kia whiwhi i nga painga o aua whenua i runga ano i te rata i te iti ranei o te paanga o ia tangata: Engari ina tuhaina peratia me ata whakaaro e te Kai-tiaki mo te Katoa te painga e puta ana ki te Maori i runga i tana nohoanga i tetahi wahi o aua whenua me tana whakahaerenga kararehe me etahi atu mahi ki reira, a me whakariterite tana hea o nga moni reti o nga hua ranei i runga i te whakaaro ki aua painga.
6.	(1.) Kua whakamanaia te Kooti Whenua Maori e tenei Ture ki te uiui mo nga riihi mo nga kirimene ranei e pa ana ki aua whenua kua oti te tuku e nga Maori e etahi ranei o ratou i mua atu i tenei Ture, a ki te whakatau e tika ana kaore ranei kia utua ki te kai-tango riihi etahi moni mo nga whakapainga mo etahi atu mea ranei, a, mehemea e tika ana, me whakatau te moni hei whakaea i runga i tana i whakaaro ai he tika. (2.) Ko nga moni e whakataua peratia ana me whakaea ki tetahi taha o nga moni reti me nga hua o aua whenua.
7.	Ahakoa nga kupu o tenei Ture, ka ahei te Kawana ki te tango rawa atu ki te tango ranei mo tetahi wa i ana wahi o aua whenua e whakaarohia ana e ia e tika ana kia riro mo tetahi mahi a te iwi katoa; a kia taea ai taua mahi te mahi ka ahei ia ki te whakamana kia haere ki runga ki aua whenua i ia wa i ia wa nga tangata katoa e whakaritea tikatia ana e te ture hei tapuke hei whakapakihi ranei i-Lake Ellesmere i tetahi wahi ranei o taua roto, i nga whenua ranei e pa ana ki tona takutai.
8.	Ko "Te Ture mo te Kainga Maori i Taumutu, 1883," kua whakakorea e tenei Ture.

Kupu Apiti.

Katoa era piihi whenua motuhake e rua kei roto i te Takiwa Ruri o Southbridge, Takiwa Whenua o Katapere, e mau ake nei nga rohe o ia piihi, ara:—

E whitu rau eka, nui atu iti iho ranei. Nga rohe; whaka-te-raki raua ko te rawhiti, ko te raina o te pakihitanga o Lake Ellesmere e whakaaturia nei e te Mapi a Te Tari Nama 71, kei te Tari o te Takiwa Ruri, Karaitiati; whaka-te-pitonga ko Tekiona nama 806 (he whero ona whika); whaka-te-tauru-ma-tonga raua ko te tua-raki ko Taumutu raua ko Bridges Road, a ko nga Tekiona nama 10462, 9467, 8828, me 9189, a he raina whakaroanga atu no te raina rohe whaka-te-pitonga o te tekiona whakamutunga i huaina ake nei; engari me kape ki waho a Rahui 2542 (he whero ona whika), tona nui tekau eka, kei roto i nga rohe kua takina ake nei e takoto ana.

E whitu tekau eka, nui ake iti iho ranei, ara ko Tekiona nama 806 (he whero ona whika) kei te mapi a te Tari o te Takiwa Ruri, Karaitiati; engari me kape ki waho tetahi rima eka hei tauranga, a hei rori hono i taua tauranga ki Taumutu raua ko Bridges Road.