W.R.T. Me haere te W.M. ki te ruma tuatahi ki te titiro, mehemea kei reira etahi Kanatieti e tatari ana; me whaki mai.

[Me whakaatu nga ingoa e te W.M. ki te Rore; me karanga i te ingoa o ia kanatieti o ia kanatieti.]

W.R.T. E te W.H. kua tika ranei te pootitanga o enei Kanatieti?

W.H. E te W.R.T. kua tiki.

[Mehemea kaore i poto te pootitanga me matua mahia tera.]

W.R.T. Me haere te Pati Waati Rangatira Tepara me te Waati Hekeretari o nga moni ki te ruma tuatahi ki te uiui, ki te kohi hoki i nga moni whakauru.

[Me haere te P.W.R.T. me te W.H.M. (kana e whakahonore) me ui ki tenei Kanatieti ki tenei Kanatieti enei uiuinga.]

P.W.R.T. He mema ranei koe o tenei Oota i mua?

[Mehemea ka whakakae mai, engari tera ano he me ahua he; me korerotia mai e nga Apiha ki te Rore.]

page 15

P.W.R.T. Ka whakaritea ranei e koe nga ture me nga tikanga katoa o tenei Oota, o tenei Rore hoki; e kore hoki e whakakahore enei ture, tikanga ranei i ou mahi ke atu ki te Atua ranei ki etahi atu ranei; mehemea ka whakaritea e koe, me ki mai koe. Ka Whakaritea e ahau?

Te Kanatieti.—Ka whakaritea e ahau.

P.W.R.T. Ka oati ranei koe ki enei mea; kaore rawa koe e kai i tetahi mea whakahaurangi; kahore e hoatu ranei kia kainga e tetahi, hei kai noa (haunga te kai hei rongoa), a mate noa koe? Mehemea ka oati koe ki enei, me ki mai koe; ka oati ahau.

Te Kanatieti.—Ka oati ahau.

P.W.R.T. E whakapono ana ranei koe ki te oranga o te Atua Kaha rawa. Te Kawana me te Kai whakahaere i nga mea katoa mehemea e whakapono ana koe; me ki mai e whakapono ana ahau?

Te Kanatieti.—E whakapono ana ahau.

[E ka mutu enei uiuinga, te kokinga hoki o nga moni, me hoki nga apiha ki te Rore me tu i waenganui (kaua e whakahonore) me whaki atu i enei mea.]

P.W.R.T. E te Waati Rangatira Tepara kua tika te whakahokinga mai o nga Kanatieti.

W.H.M. E te Waati Rangatira Tepara kua utua nga moni whakauru.

W.R.T. E aku Whanaunga me aaku Tuahine; kei whakaaro koutou ki tetahi mea ke me whakaaro anake ki tenei whakaurunga; Ma nga Kaari e tiaki te Rore ina karakia tatou, kei hoihoi etahi, kei korerorero. I enei takiwa hoki ka haere he nga whakaaro o te Kanatieti mehemea ka kite ia e noho whakaaro kore ana etahi. Kia ata whakaaro tatou katoa ki enei page 16mea, me inoi marie nga apiha me nga mema kia rite ai tenei karakia tenei mahi ki nga mahi take nui. Me haere te Waati Maihara ki te ruma tuatahi me arahi mai i te Kanatieti (i nga Kanatieti ranei.)

[Ma te W.R.T. e tono te Maihara kotahi, raua tokorua ranei; Ma te W.M. e patuki i nga patukitukinga tika ki te tatau, kia toru nga patukitukinga kaha ki te tatau o roto.]

W.K. (Me titiro ia, me whakaatu mai.) E te Waati Rangatira Tepara; e tono mai ana to tatou Waati Maihara kia tukua mai ia, me tona hoa.

W.R.T. Tukuna mai; me waiata tatou i to tatou waiata powhiri. Nama—

• • •

[I te waiatanga o te waiata me arahi mai te Kanatieti e te W.M., me whakatu ki mua o te W.R.T.]

III.
Haere mai te hunga e ngakau nui nei
  Kia kake te tumanoko, te aroha me te whakaaro; nui
Tenei kua honohonoa nga wairua katoa
  Kua paiherea ki te here o te aroha.
Haere mai, Haere mai, Haere mai.
Haere mai e o matou Whanaunga pai.

[Haere mai, Haere mai ahakoa e wehewehe ana
  Nga whakaaro ki nga mea ke
Haere mai hei hoa ki te momotu.
  I nga tiini o te haurangi kia tu ai.
Haere mai, Haere mai, Haere mai.
Hei hoa mo matou ki te mahi pai.]

IV.
Haere mai, Haere mai, ki to matou Oota,
  Hei mahi, hei tiaki, hei hoa hoki e hiahiatia ana.

page 17

Ki nga mara o nga kuru Tepara,
  Ki reira koutou mahi ai.
Haere mai, Haere mai, Haere mai.
  Ma te Rangi koutou e whakapai.

•

W.M. E te Waati Rangatira Tepara; me whakaae mai koe ki ahau e whakaatu atu nei ki a koe i to tatou hoa; e hiahia nei kia uru mai hei mema mo to tatou nei Oota.

W.R.T. Ka nui to matou koa i to haerenga mai hei hoa mo matou ki te whakahaere i to matou nei Oota nui, Oota pai. Ka tonoa ano i akoe kia oati koe ki te whakarere te kai i te kai whakahaurangi a ki te whakarite hoki i o matou ture katoa. Engari kaua koe e mataku, kaore hoki etahi mea o tenei mahi e whakakore ana i nga ture, tikanga pai ranei o nga mea ke; engari he oati kaha tenei, he oati whaimana, a e kaore e taea te whakarere a mate noa te tangata; tenei, e pai ana ranei koe ki te uru mai; mehemea e pai ana, me ki mai, E pai ana ahau?

Ma ia Kanatieti, ma ia Kanatieti e utu atu.

E whakae ana ahau.

W.R.T. E te Waati Maihara mau e arahi atu i to tatou nei hoa ki te Waati Waiti Tepara hei hapai i tona opirikeihana.

Tena kia waiata tatou i te waiata, nama—

V.
E Ihowa kia tika te arahi i a matou
  Tiakina i roto i o ara matou.
A tenei ka inoitia nei o matou oati.
  Tahuritia o matou inoi ki te koa nui.

page 18

Kaore matou e titiro ki to matou kaha.
  Engari e tumanako ki te Atua Kaha;
Mau e whakaki ki te pai katoa;
  Awhinatia matou a mate noa.

VI.
Kaua e titiro ki te Kapa whero,
E piataata nei ki te whakato;
E nga mea e mate ai te tangata,
Kei hapaia ki to waha, me nga hoa.
O nga hunga e ngaua ana e te nakahi,
Mate tonu mate rawa ki te ahi.

Kei a wai te aue? kei a wai te tangi?
Kei a wai te pouri nui atu i te po.
Pera me nga tangata i te wai,
Kua ngaro nei te marino me te aho,
Kei a wai nga motu koare nei he take?
Ko ratou e noho roa ana ki te waina kake.

VII.
E Te Atua o nga tangata pehi hiahia,
Manaakitia te rapunga o o ture tapu,
  Nga tangata e whakae ana ki to kaha,
Hei whakangunga rakau o ture tapu;
Whakaakona ratou ki to hoari,
I nga takiwa o te whakawai
  I nga haora pouri o te hara.

W.M. E te Waati Waiti Tepara tenei ka mou mai nei e ahau to tatou hoa mo te Opirikeihana.

• • •

W.W.T. Me hoatu te ringaringa maui ki to manawa, me whakae ki tenei Opirikeihana.

page 19

"Tenei koe, te tangata e whakapono ana ki te Atua ki te kaha hoki o to Atua Kaha Rawa e whakae ana, i mua o enei kai titiro e oati ana hoki, e kore koe e hanga e hoko mai, e hoko atu ranei, e kai, e hoatu ranei kia kainga e tetahi atu, hei kai noa (haunga te kai hei rongoa) te waipiro, te waina, te pia me etahi atu o nga mea whakahaurangi ranei (ki konei tuhi ai te ingoa o nga mea e whakarerea ana) a ka pehi tonu koe te kai o enei mea i to takiwa, me ata whakaaro ano koe kia tika te mahi pehi kei he koe; Me oati ano koe e kore rawa koe e whaki atu e etahi o nga mahi ngaro o tenei Oota ki nga tangata e kore nei e tika kia mohio ratou; a i akoe e noho tonu ana i roto o tenei Oota, hei mahi koa ki akoe te whakarite i ona ture, i ona tikanga hoki; a kaua hoki e he to mahi ki etahi mema e tuku ranei kia mahia e tetahi atu; a ka kaha tonu to whakahaere i te mahi o tenei Oota kia nui ai te haere o te mahi pehi hiahia."^*

Ka whakae koe ki tenei? mehemea ka whakae koe me ki mai; E whakae ana ahau? Me utu atu ia Kanatieti ia Kanatieti.

E whakae ana ahau ki tenei.

Me Ki nga Apiha me nga Mema katoa. E kai titiro matou o to oati.

W.R.T. Ma te Waati Hapihana e karanga ki te Atua kia tukua mai tona manakitanga.