[Me tu nga Apiha e Kerero ana.]

P.W.R.T. Kua oati matou katoa i tenei Opirikeihana; Kia kitea e te katoa te pono o to koutou mahi; Kia mahara ki to koutou nei Opirikeihana.

W.R.T. Ma nga tangata pono anake tenei tu Opirikeihana; engari ka taea nga mea pakeke e te ngakau toa. Kia maharatia to koutou Opirikeihana.

W.W.T. Kua tukua mai e koe to oati honore page 21ka whakaritea e koe to Opirikeihana; te tangata e tu pono ana i nga mea iti ka tu tonu ia i nga mea nui; ka hinga koe i tenei mahi, kua he te pai o to ingoa; kia mau tono to pupuri i tenei Opirikeihana a mate noa koe.

W.R.T. Whakarongo ki nga whakaakoranga o nga Karaipiture. "Ta te waina he whakahi, ta te waikaha he ngangau. Te hunga katoa e whakapohehetia ana e tera, kahore o ratou whakaaro nui." (Nga Whakatauki, xx. 1.)

P.W.R.T. "Kei uru koe ki roto ki te hunga iinu waina, ki te hunga kakai kikokiko; No te mea ka rawakoretia te tangata kakai, te tangata iinu; He tawhetawhe hoki ta te momoe kakahu mo te tangata." (Nga Whakatauki, xxiii. 20, 21.)

W.R.T "Ko wai e aue? Ko wai e tangi? ko wai e totohe? Ko wai e ngangautia? Ko wai e Maru, he mea take kore? Ko wai e whero tonu ana ona kanohi." (Nga Whakatauki, xxiii. 29.)

W.M. "Te hunga ra e noho roa ana ki te waina, te hunga e haere ana ki te rapu i te waina whakaranu." (Nga Whakatauki, xxxiii. 30.)

W.R.T. "Kaua e titiro atu ki te waina i te mea e whero ana, ina puta mai tona kara i roto i te kapa, ina tika tona haere; tona tukunga iho, ano he nakahi e ngau ana; koia ano kei te page 21wero a te neke." (Nga Whakatauki, xxiii. 31, 32.)

W.R. "He mea pai ano kia kaua e kai kikokiko, kia kaua e inu waina, aha ranei e tutuki ai tou teina, e hinga ai ranei, e ngoikore ai ranei." (Roma, xiv. 20.)

W.W.T. Kei whakapohehetia koutou; kaore te Atua e tinihangatia; ko ta te tangata hoki e ru ai, ko tenei tana e kokoti ai. Na te tangata e rui ana, he whakaaro ki tona kikokiko, tana o te kikokiko e kokoti ai he pirau; te tangata e rui ana, he whakaaro ki te Wairua, tana o te Wairua e kokoti ai, he oranga tonutanga." (Karatia, vi. 7, 8.)

W.R.T. E te Waati Maihara me arahina te tatou nei hoa ki te Pati Waati Rangatira Tepara.

W.M. E te Pati Waati Rangatira Tepara, tenei kua arahina mai tenei hoa kia whakaakona.

P.W.R.T. E taku hoa kua rongo koe i nga kupu whakaako o te Karaipiture; a ka kitea ano i nga whakapapa tenei akoranga, "Kia Matara ki nga Wai Kaha;" e kitea ana i roto i era te kore kahanga o te matauranga, o te mohiotanga, o te whai mananga ki enei wai kaha. A e kitea ana ano e o matou karu tenei mea; Kua kite matou i nga roimata o nga pouaru, o nga pani hoki, kua rongo matou i te page 22aue o nga ngakau kua pakaru; kua kite matou i te korenga o nga tumanokotanga i tenei mea; kua tere haere te koreheketanga o te taitamariki i nga mahi he; Kua kakahuritia te ataahuatanga ki te whakama ki te rawakorenga; ko tenei te reo o enei mea katoa; "Kia mataRa ki te wai kaha." A ko te take tenei o to matou huihuinga nei; he pa teko tenei, kei mate i enei mea whakawai; kia whakahohorotia hoki te takiwa e ngaro rawa ai enei mea whakahaurangi i to matou nei whenua.

Ka hoatu e ahau te ringa maui o te hoa; a e karangatia ana koe ki to matou nei Rore, te whare o nga hoa. Me noho tahi me matou; ko tenei te wahi e ora ai koe. E noho ki konei, kaore hoki e tomo mai ana te kai whakamate ki roto i konei.

Kia titiro tonu o kanohi ki te ture o te Atua, mehemea nei ano e tuhia ana ki nga reta piataata; "Na nga mea katoa e pai ai koutou kia meatia e nga tangata ki a koutou, meatia ano e koutou ki a ratou."

Na me haere tahi koe me to tatou Waati Maihara ki te tepu o te Waati Hekeretari, kia tuhia to ingoa ki te Konetetuhiana; Kamutu tena me haere ki te Waati Rangatira Tepara kia whakaritea nga kupu whakamutunga me nga karakia.

W.R.T. Tenei kia waiata tatou, himene nama—

page 23

VIII.
Tupono ki te mahi pai
Whakaaro ki nga kupu Atua.
Whakahonorea nga tangata pai.
Te ope iti o Raniera.

Pera te toa me ta Raniera.
Kia toa ki te tu tahi.
Kia toa ki te pupuri ra;
Kia toa tonu ki te whaaki.

Maha noa nga tangata,
  Mate i te kore toa.
Mehemea i te Atua.
  Kua tutahi me te ope o Raniera.

[Tera nga tangata roroa,
  E kuhu ana i te whenua.
Mate noa e ka kite,
  I te ope toa o Raniera.]

IX.
E Nga whanaunga me nga hoa kia tutahi,
  Kia kotahi hoki te hamama i te koa;
Kua haere nui to matou nei take,
  Whakareria te wehi me te ngakau rua;
Kua pereti matou, kua pupuri i te ringa,
  Hei te wikitoria to matou nei tohe.
He ope kua herea nei ki te aroha
  E whawhai ana kia manu ai i te he.

[Kaore e kainga ana te kapa whakamate
  Engari he whakatupato i te hunga ke.
Kia whakarerea e te katoa,
  Kia ki puru ai i nga mahi koa;
Kua pereti matou, kua pupuri i te ringa,
  Hei te wikitoria to matou nei tohe
He ope kua herea e te aroha
  E whawhai ana kia manu ai te he.]

page 24

X.
Kua herea nei e nga ture tino pono.
Ke te pupuri tonu i to matou nei take
E tiakina ana nga katoa e te pono,
Kia kore ai e mate i te he.

[Haere mai ki to matou nei whare,
He hoa ki nga mea pai katoa
Kia roa e ora ana to tatou nei Oota,
Ka ki tatou katoa i nga mea o te koa.]

E tu ki te pono kia mutu te ora.
Kia waiho ki muri te ingoa tino nui;
Kia marama te ara e haerea nei;
Kua peia nga Hura katoa o konei.

W.M. E te Waati Rangatira Tepara, kua haere mai to tatou nei hoa kia homai ki aia nga kupu whakamutunga.

W.R.T. Tenei kua uru koe ki te mahi hei mahi mou i nga ra katoa e ora ai koe; e titiro ana matou kia haere mai koe hei hoa tonu mo matou me homai to kaha me to mana kia matou; me haere tonu mai koe ki o matou huihuinga katoa; a e tumanako ana ahau ka whai koe i nga mea pai katoa i konei; E whakamaharatia ana koe e ahau ki nga akoranga o tenei Rore; me ata whakaaro koe ki enei mea, a, e ka roa to haere kia matou nei, ka kite koe i te pai o to matou nei Oota, tenei ano he tohutohu, ara he mea kia mohiotia tetahi e tetahi he hariru, he kupu pahi hoki; na, ka whakaakona koe e ahau ki enei.

Mehemea ka haere mai koe ki roto i te Rore page 25kaore ano i ata whakatuwheratia; me hoatu e koe te kupu pahi ki te Waati Maihara i aia e haere ana ki te uiui i tenei mema, i tenei mema. Mehemea kua whakatuwheratia te Rore, me haere koe ki te tatau o waho ka hoatu i te patuki penei * * * a me hoatu te wahi tuatahi o te kupu pahi ki te Apiha e tiaki ana i te tatau; i tera, ka tukuna koe ki te ruma tuatahi, ki reira kakahu ai koe i te Rikeria. Ka haere mai ano koe ki te tatau o roto me hoatu i te tohu * * * a me hoata te wahi e toe ana o te kupu pahi; i tera, ka tomo mai koe ki te Rore; me haere tonu ki waenganui o te ruma me whakahonoretia te Pati Waati Rangatira Tepara, penei * * *

Me tu tonu i te tuohu whakahonore kia utua mai ki tenei * * * ka mutu me noho koe.

E ka haere koe ki te rore ke, e ka tae atu koe ki te tatau o roto, me hoatu te tohu me to ingoa hoki, me te ingoa, te nama hoki o to Rore ko au * * * o te Rore o * * * Nama * * *

Mehemea kei te rapu koe, tera pea he Kuru Tepara tetahi tangata, me hoatu e koe te wahi tuatahi o te kupu e mohio ai tetahi mema ki tetahi mema, penei * * *

Mehemea he Kuru Tepara te tangata, ka penei tona utu mai * *

Ka penei atu ano koe * * *

He mea apiti ano tenei ki era tohu, ara te kupu whakamatau, ko tenei taua kupu * * *

page 26

E ka hoatu tenei kupu ki te tangata me penei koe * * * Mehemea he Kuru Tepara ia ka penei tona utu * * *

[Ko enei te tikanga o nga tohu; te tohu tuatahi "He Kuru Tepara koe"; te utunga "ae"; te tohu whakamutunga "Me ahau hoki."]

Mehemea ka hiahia koe ki te haere; kaore ano i mutu noa te huihui, me haere koe ki waenganui o te ruma me whakahonore i te W. W. T.; Ki te pai ia kite haere koe, ka utua mai to whakahonore, ka tika to haere atu ki waho me hoatu ano e koe te * * * ki te W. Kaari e tiaki ana i te tatau; penei * * *

Na me pehia toku ringaringa e te Waati Maihara; mana hoki koe e whakaako ki tenei pehi ringaringa.

Ma te kupu pahi e tomo ai koe ki nga Rore katoa o te Oota, a e rere ke ana taua kupu i nga koata: He mea homai e te Apiha Tumuaki ki iia mema ki iia mema, he mea korero ata marie ki te taringa; kaua rawa e hoatu e tetahi mema ki tetahi atu mema; Ka hoatu e ahau te Kupu pahi mo tenei Koata; me hanga te ringi porotaka o te hoa; e nga mema.

• • •

[Me pupuri nga Apiha me nga mema i o ratou ringaringa tetahi ki tetahi kia meatia ai te ringi Karapoti, ki roto te W.R.T. te Maihara, me te Kanatieti tu ai.]

W.R.T. I runga i te mana o to tatou Karani Rore o te Oota o nga Kuru Tepara e ki ana ahau, he mema tenei tangata o tenei Rore; a page 27kei aia nga mana, nga tikanga, me te awhinatanga hoki e hoatu nei ki o matou mema; kei aia te mana e puta mai ana i o matou Ture, Tikanga, Konetetuhiana hoki, me nga ture takiwa. [Tenei ka hoatu nei e ahau he pukapuka kei roto i tenei to matou Konetetuhiana, me nga ture takiwa.]

Ma te Waati Maihara e kakahu koe ki te Rikeria; a me haere tatou ki o tatou turanga, ki reira uru ai ki te ringi karapoti.

Na; tenei e tu hohou nei tatou, kua hoatu te kupu pumau o tetahi ki tetahi; na, ano te pai ano te ahuareka o te nohoanga o nga teina o nga tuakana i runga i te whakaaro tahi. Ma te mate anake e wewete i nga here o nga hoa.

XI.
He here tino pai enei e here nei,
  I nga ngakau me nga ringaringa.
Kia penei tonu i runga i te aroha,
  Me tutahi i nga mahi o te pono.

[Kaua rawa e whatiia to matou ringi.
  E nga mea kaha o te Rewera;
Kia mou tonu nga tohu aroha;
  Kia mutu ra ano to matou ora.]

[A e ka wewete te mate i a matou,
  I te wahi pouri o te urupa,
Kia honohonoa ano i te whenua,
  E kore nei e puta atu te pirau.]

XII.
He mihi nei ki to matou mema hoa,
  Kua herea nei ki te tini o te hoa,
Me mahi tonu tatou i te aroha;
  Ma tera hoki e ngaro ai te mamae.
  Ki te penei to matou haere.
Ka whaia matou e te tino pai.

page 28

W.R.T. Ka mutu nga mahi kia watea ai nga mema ki te mihi atu ki to tatou nei mema hou.

•

Nga Mahi e Ka Mutu Te Takiwa Watea.

•

W.R.T. Ko nga mema katoa kua uru mai i te takiwa watea me hoatu ratou te kupu pahi ki te Waati Maihara, me whakahonore hoki ki te Pati Waati Rangatira Tepara; me homai ano nga manuhiri i te ingoa, me te nama o a ratou Rore, kia whakaaturia mai e te Waati Maihara.