Natanahira Waruwarutu to Mr. Rolleston.

Tena koe. Kua tae mai au reta e rua utu mai mo taku reta ki a Whititera kua kite iho au i te kupu a te Huparitene o Katapere nei e ki nei kaore ia e pai kai tukua te wai, koi whakakino i ka rauiri tuna a te Maori. E hoa he kupu mamika tenei kupu. E ta kia roko mai, tenei ake te tino tuhia atu ai he whakahoki atu mo aua reta, kai tonoa e au aua reta ki ka Runaka tirotiro ai hei reira ka tuhi atu ai. Ekore ra e pai kai waiho te utu o te kaika o tetahi takata ma tetahi e tako. Ka mutu. Otira kia mohiotia te Kawanataka ko wai ra.