[Translation. ]
No. 642.—Pitihana a Hata Moutara me etahi atu e 30.
E inoi ana nga kai-pitihana kia kaua e whakaaetia he ruuri mo Raukokore Poraka, engari ma ratou ake ano e tono kia ruuritia ka tika, e ki ana hoki ratou ko ratou nga tangata tika ki te whenua.
Kua whakahaua ahau kia ki penei: E inoi ana nga kai-pitihana kia mutu te ruuri o Raukokore Poraka i runga i te mea ko nga tangata na ratou te tono i whakamana ai te ruuri kia haere e hara i nga tangata no ratou te whenua. E whakaatu ana tetahi pukapuka na te Tino Tumuaki o nga Kai-ruuri he iti noa iho te paanga o nga tangata na ratou te tono ruuri ki te whenua, a na reira kua tae te kupu ki te kai-ruuri kia mutu tana mahi kia tae atu ra ano he kupu whakahau hou kia ruuri. I runga i tenei ahua kahore he kupu a te Komiti mo runga mo tenei pitihana.