Kia rongo e nga tangata katoa ki enei hoatutanga Ko matou Rangatira Maori no Kaipara, 1844. 18 October.Mahurangi District.Te Weiti And Rangitoto Island.Buckingham and others. a Taipau, a Patoromu, a te Wairoa, a Moki ka tino whakaae kia hokoa kia ho atu ki a Arekihanara Hatiwhiri, ki a Iraiha Hatiwhiri, Karaina, Amiria Hatiwhiri, Hariata Ema Hatiwhiri, Ki a Hana Moa, Iraiha Moa, Kataraina Moa, Meri Moa, Erena Moa, Honi Moa, Hori Pakingama, Hana Pakingama, Hemi Pakingama, Roheta Pakingama, tetahi whenua i huaina ko to Weti, me te Motu i huaina ko Rangitoto kia oti atu ki a ratou ki o ratou uri i muri i a ratou, kia oti atu, kia oti rawa atu te whenua, nga wai, nga wahi tapu, nga korari, nga kohatu, me nga mea katoa e takoto ana e tu ana ki runga ki taua whenua, Ekore matou e pokanoa ki te hoko atu ki tetahi atu tangata, otiia ka hokoa ki a Arekihanara Hatiwhiri, ki a Iraiha Hatiwhiri &c. &c., ki o ratou uri i muri iho i a ratou, kia mau tonu i a ratou i tenei takiwa, a, ake, ake, ake.

Ko nga utu enei kotahi tekau ma rima nga paraikete, e rima Pauna moni, kotahi Receipt. pouaka hopi, e rua pu hakimana, tahi koti, kotahi tarautete, kotahi hate, kotahi pea putu, kotahi potai, kotahi wehikete, kotahi taka, 1 paraire, kotahi tekau nga ho.

Nga Kaha. Ka timata i te wahapu o te awa i huaina ko Te Weti tae noa ki te mutunga taipari, ka haea putia i reira marere noa ki te Boundaries. [900 acres.] moana nui o Mahurangi. E whakaae matou ki tenei pukapuka a ka maka o matou ingoa ki tenei pukapuka i i te ra o Akatopa kotahi tekau ma waru i te tau o to tatou Ariki kotahi mano waru rau wha tekau ma wha.