[ko te tohutoro i roto i te reo Pākehā]

§ 54.

Te take i whakaturia ai nga Kai-whakarite-whakawa, a tohatoharia atu ki nga wahi katoa o te whenua, ko ia tenei: he mea kia tutatatata ai hei haerenga mai ma nga tangata, kei ngenge kau i to roa o te ara, i te kopikopiko tonu ki nga tino Whare whakawa, ki te kawe i o ratou mea ririki, Whakawa-Hiwhiri nei.

A, tetahi take; he mea kia whai Kai-tiaki te Ture ki nga wahi katoa; hei tirotiro, kei tiaki kei oho tetahi mea tika ke i ta te Ture; kei tutu nga tangata, kei aha, kai aha: a kia whai tangata ano hoki hei rapu wawe i nga tikanga o nga Hara Kirimina ina meatia.

I penei hoki te timatanga ki nga Tamariki o Iharaira. I a ratou ka tini haere, taimaha ana a Mohi i o ratou tinitini mea whakawa e kawea mai ana ki a ia, mana e whakarite; te taea hoki te mahi e tona kotahi. Na, ka penei atu in ki a ratou:—"E kore e ahei i a au anake te "pikau i a koutou: kua whakanui a Ihowa, to koutou Atua, i a koutou, a tenei koutou te "rite nei inaianei ki nga whetu o to rangi to tini. Me pehea e taea ai e ahau anake te koutou "whakararu, to koutou whakataimaha, me ta koutou ngangau? A i ki atu aoo ahau i taua "wa ki o koutou Kai-whakatikatika, i mea. Whakarangona nga kupu a o koutou teina, a tetahi "a tetahi; kia tika hoki ta koutou whakariterite i te whakawa a te tangata, a tona teina, a te "tangata ke hoki e noho ana i a ia. Kei whakaaro koutou ki te kanohi ina whakariterite, kia "rite ta koutou whakarongo ki te iti ki te rahi; kei wehi koutou i te kanohi o te tangate; no to "mea, na Te Atua te whakariteritenga; a ko te mea e ngaro ana i a kontou, ka kawe mai ki "a au, a maku e whakarongo atu."—Tiuteronomi, 1 Upoko 9, 10, 12, 16, 17 rarangi.