Collected songs and legends from the southern Cook Islands
Song of Woman Evil Spirit E pee teia na tetai vaine
Song of Woman Evil Spirit [Note added by Bob O'Brien as transcriber:] E pee teia na tetai vaine
E pee teia na tetai vaine. E vaine aia na Tinomana kua akaruke aia ia Tinomana, koia pau a Tonga. Kua mangaro taua vaine ra kia Kona, kua akaruke aia ia Tonga koia Tinomana. Kua noo aia ki taua tane ra, koia rai a Kona, kare aia e mou i te ngutuare, ka aere ua rai aia na te Maunga, no te mea, kua uruia aia e te vaerua kino. Kare te tane i kite e, e vaine vaerua kino. Tera ta te tane angaanga e tautai ika. Tera taua angaanga e taukai na raua, ka kitea ki runga i te angaanga a te vaine; tera taua angaanga ka tau aia i te umu, e kia ka, ka mea aia i te rau tao e kia rauka, ei reira aia e kamo ei ki te itinga, e te opunga, e kia apatonga, e kia apatokerau. Kua taria mai te kai, kua ki te umu, kia aere mai ra te tane; kua maoa te kai, kua kai raua; Kia rou, kua tupu te manako vareae ki roto i te tane. Tera taua manako ia te manako ra te tane e, e kai akaturi, e tae akera ki tetai ra. Kua tupu te ngakau pikikaa ki roto i te tane. Te karanga ra te tane e, "E tau koe i tetai kai na taua, ka aere au ki taatai tautai ika ua taua." Kua tau taua vaine ia i te kai. Kua aere atura te tane i te ara. Kua akapikikaa atura i te vaine; kua kake atura ki runga i te rakau. Kua akara atura i te peu a taua vaine ia. Kua kite aia e, "E vaine vaerua kino." Kua tupu to manako i roto iaia; ka akaruke aia i taua vaine ra, ko te mea kua makatu aia ko te mate aea aia. Kua oki maira aia; kua ui ki taua vaine ra. E vaine atua koe. Eaa koe te akakite mai ei kiaku?" Kua tupu te akama; i roto i taua vaine ra. No reira aia i tou ei taua pee ra. Tera taua pee, no te mea ka akaruke aia i te tane, ka aere aia, kare e oki akaou ki te tane.
1 Kava101 pui atu kua kona e, e rau taku maara e102, kona e [unclear: teia] te tangi reirie103, e, ko te akama oki au ra, ka noo e.
2 Ka ko Ravakavapui i tu ana e, i tu ana i tapu nui akapiri aki oki te tupuna ko ei mata e, ki te puna o maunga ra, e Kona e, &
Tera te ua i taua pee ra.
1 Taku ei ruru enua i rangi e, a tu ana taku ei e, ko na te ipo vaoo e kona e. Teia te tangi reirie &
2 Ra kua ana naana, ua tane, ua tane, mai ana ui ui tu enua, marama ia, te atu iti, ki te atu tonga reirie e, ariki nui katakata ua a Tinomana ka moea te Arorangi e Kona e. Tera te tangi &
3 Ra kua ana naana ua vaine, ua vaine, mai ana ko te ua e maora ana i te rangi e, e tapakau104, e maora ana i te are nui aki e, e vaine e moe i te akarua, ka moemoe ei korua e, ki te uru ma te Raki e, Kona e, Teia te tangi &
3 Ra kua ana naana te taokete, te taokete mai ana e toru ana oki te etu e iti, te aiai e, e te au e tuku kia ravea ka taoi mou ei Rangatira aki ei, kia mou ki te kaveinga, tuku akaaka te vaine, ma te tane i te aiai e tei tona i po tungane ake, e Kona e Teia &
Tera tetai ua i taua pee ra
1 Tirotiro ia ra, ki runga e, ei ranga i te Arorangi e ko te ra ma te marama i te rekareka ua i te rangi e Kona e, Tera te tangi &
2 Tirotiro ia ra, ki raro e, ki raro i Avaiki, e ki te etu ra puretu e, i kake ei i Arovaru e, e iti ua ake i raro, e Kona e. Tera te tangi &
Tera tetai ua i taua pee ra.
1 Tirotiro [unclear: Akurakuraia] ia ra ki uta e, ei uta i te vao tere oki e ariki nui katakata ua a Tuemia i te vao tere ka moea te kauvai ra, e Kona e. Teia te tangi &
2 Tirotiro ia ra ki tai e ei tai i te vaanga e, e ariki nui katakata ua, Atea e, noo ua maira i tai e Kona e. Teia te tangi &
4 Tirotiro ia ra ki ki mua, ki mua ki Avarua e, ki Tinomana ma Teurukura no raro raua, no Vaika puarangi, e Kona e &
Tera tetai ua i taua pee ra
1 Tirotiro ia ra, ki muri Rutaki e, ki te Rotunga taa e, ki te toka karakara ea, ki taua vaine kia Tapu enua, kia atu i tai ei, e kave ki Avarua e, ei aki na nga ariki, e Kona e. &
2 Ra ko tietei mariti e, ki te Tuatapu105 o, a, kao kai au ra e Kona e &
3 Ra ekeeke atu ra ki tai e, ki tai i tata pa taatai oki, kua kake oki taua ariki i te Marokura i akamate atu ki taana vaine oki e Kona e &
4 Opuopu ra te ra, e te ra ki Vaitoke oki kua natunatu oki te vaine ma te tane e, tei taku mata ika tau, ra, e Kona e &